Эльбрусоид :: Эльбрусоид :: Эльба

Къызгъанчдан ычхыныр, мухардан ычхынмаз.
Игиге айтсанг – билир, аманнга айтсанг – кюлюр.
Тёрде – темир таякълы, къаяда – чыпчыкъ аякълы.
Аманны эки битли тону болур, бирин сеннге кийдирир, бирин кеси киер.
Ашхы адам – халкъ байлыгъы, ашхы джер – джашау байлыгъы.
Адебсиз адам – джюгенсиз ат.
Джети тилни билген джети кишиди.
Къарын къуру болса, джюрек уру болур.
Билим насыб берир, билим джолну керир.
Эл элде бирер малынг болгъандан эсе, бирер тенгинг болсун.
Тойгъан джерден туугъан джер игиди.
Ётюрюкню башын керти кесер.
Иги – алгъыш этер, аман – къаргъыш этер.
Тешигини къатында, чычхан да батыр болур.
Ишни ахырын ойламай, аллын башлама.
Тёзгеннге, джабылгъан эшик ачылыр.
Ишге юренсин къоллары, халкъ бла болсун джоллары.
Уясында не кёрсе, учханында аны этер.
Джюз элде джюз ёгюзюм болгъандан эсе, джюз джууугъум болсун.
Кенгеш болса, уруш болмаз.
Кёлю джокъну – джолу джокъ.
Терек ауса, отунчу – кёб.
Элиб деген, элге болушур.
Ат басханны джер билед.
Агъач халкъгъа алтынды, иссиликге салкъынды.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Атлыны ашхысы, ат тизгининден билинир
Уллу суу бла уллу ауруудан башынгы сакъла.
Ёмюрлюк шохлукъну джел элтмез.
Байлыкъ адамны сокъур этер.
Байны къызы баймакъ болса да, юйде къалмаз!
Къобан да къуру да къобханлай турмайды, адам да къуру да патчахлай турмайды.
Къолунгдан къуймакъ ашатсанг да, атаны борчундан къутулмазса.
Суугъа – чабакъ, къаягъа – ыргъакъ.
Джаш болсун, къыз болсун, акъылы, саны тюз болсун.
Керти сёзге тёре джокъ.
Тилчи бир сагъатха айлыкъ хата этер.
Къызын тута билмеген, тул этер, джашын тута билмеген, къул этер.
Кёпюр салгъан кеси ётер, уру къазгъан кеси кетер.
Окъуу – билимни ачхычы, окъуу – дунияны бачхычы.
Тойгъандан сора, ашны сёкме.
Огъурлуну сёзю – суу, огъурсузну сёзю – уу.
Ашхы тенг джолгъа салыр, аман тенг джолдан тайдырыр.
Миллетни бойну – базыкъ, аны бла кюрешген – джазыкъ.
Джаз бир кюнню джатсанг, къыш талай кюнню абынырса.
Ёгюзню мюйюзлери ауурлукъ этмейдиле.
Хата – гитчеден.
Ёгюзню мюйюзюнден тутадыла, адамны сёзюнден тутадыла.
Къонакъны къачан кетерин сорма, къачан келлигин сор.
Сёлеш деб шай берген, тохта деб, сом берген.