Эльбрусоид :: Эльбрусоид :: Эльба

Ауузу бла къуш тута айланады.
Асхат ашлыкъ сата, юйдегиси ачдан къата.
Ата Джуртча джер болмаз, туугъан элча эл болмаз.
Таукел тауну аудурур.
Бёрю да ач къалмасын, эчки да ашалмасын.
Айырылмаз джууугъунга, унутмаз сёзню айтма.
Джарлыны тону джаз битер.
Ач отунчуну ачыуу – бурнунда.
Къыз чыгъаргъан – къызыл къымжа.
Аджалсыз ёлюм болмаз.
Къазанда болса, чолпугъа чыгъар.
Джюз элде джюз ёгюзюм болгъандан эсе, джюз джууугъум болсун.
Бет бетге къараса, бет да джерге къарар.
Акъдан къара болмаз.
Хантына кёре тузу, юйюне кёре къызы.
Ариу джол аджал келтирмез.
Хоншуну тауугъу къаз кёрюнюр, келини къыз кёрюнюр.
Эрни эр этерик да, къара джер этерик да, тиширыуду.
Билим – акъылны чырагъы.
Танг атмайма десе да, кюн къоярыкъ тюйюлдю.
Тил джюрекге джол ишлейди.
Итли къонакъ джарашмаз.
Эки элинги тыйсанг, джети элде махталырса.
Кёл – къызбай, къол – батыр.
Къонакъ кёб келюучю юйню, къазаны отдан тюшмез.
Ата Джуртун танымагъан, атасын да танымаз.
Тюзлюк тас болмайды.
Ёмюрлюк шохлукъну джел элтмез.
Мени джылытмагъан кюн, меннге тиймесин!
Аш хазыр болса, иш харам болур.
Къатын байлыкъны сюер, эр саулукъну сюер.
Аманнга да, игиге да оноусуз къатышма.
Битмегеннге сакъал – танг.
Къайтырыкъ эшигинги, къаты уруб чыкъма.
Терслик кетер, тюзлюк джетер.
Халкъны юйю – туугъан джери.
Аш берме да, къаш бер.
Бети – къучакълар, джюреги – бычакълар.
Намысы джокъну – дуниясы джокъ.
Тил бла келеди джыр да.
Акъыл аздырмаз, билим тоздурмаз.
Ач къарынны, токъ билмез
Атынг аманнга чыкъгъандан эсе, джанынг тамагъынгдан чыкъсын.
Ариу сёз аурууунгу алыр.
Ата Джуртуму башы болмасам да, босагъасында ташы болайым.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Дженгил джетерикме деб, узун джолну къоюб, къысхасын барма.
Билими азны – ауузунда кирит.
Хар ишни да аллы къыйынды.
Суугъа – чабакъ, къаягъа – ыргъакъ.