- От этилмеген джерден тютюн чыкъмайды.
- Къралынгы – душмандан, башынгы от бла суудан сакъла.
- Окъугъан озар, окъумагъан тозар.
- Элни кючю – эмеген.
- Татлы сёз – балдан татлы.
- Окъуу – билимни ачхычы, окъуу – дунияны бачхычы.
- Сабий кёргенин унутмаз.
- Къазанда болса, чолпугъа чыгъар.
- Сакъ юйюне сау барыр.
- Ачны эсинде – аш.
- Ашаса, ашамаса да, бёрюню ауузу – къан.
- Билим къая тешер.
- Айырылмаз джууугъунга, унутмаз сёзню айтма.
- Эрине къаргъыш этген къатын, эрнин къабар.
- Келинни – келгинчи, бёркню кийгинчи кёр.
- Арбаз сайлама да, хоншу сайла.
- Джырына кёре эжиую.
- Уллу сёзде уят джокъ.
- Тамчы таш тешер.
- Узун джолну барсанг, бюгюн келирсе, къысха джолну барсанг, тамбла келирсе.
- Ётюрюкден тюбю джокъ, кёлтюрюрге джиби джокъ.
- Ариу – кёзге, акъыл – джюрекге.
- Ханы къызы буюгъа-буюгъа киштик болду.
- Айран ичген – къутулду, джугъусун джалагъан – тутулду.
- Къатын къылыкъсыз, эр тынчлыкъсыз.
- Хар сёзню орну барды.
- Аджашханны ызындагъы кёреди, джангылгъанны джанындагъы биледи.
- Къарнынг къанлынга кийирир.
- Къонакъ аз олтурур, кёб сынар.
- Керти сёзге тёре джокъ.
- Ашына кёре табагъы, балына кёре къалагъы.
- Къартны бурнун сюрт да, оноугъа тут.
- Джашынгы кесинг юретмесенг, джашау юретир.
- Джуртун къоругъан озар.
- Адамны джюреги нени кёрюрге сюйсе, кёзю да аны кёрюрге ёч болады.
- Сакъламагъан затынга джолукъсанг, не бек къууанаса, не бек ачыйса.
- Ата Джуртун танымагъан, атасын да танымаз.
- Кюн кёрмеген, кюн кёрсе, кюндюз чыракъ джандырыр.
- Кюлме джашха – келир башха.
- Ойнаб айтсанг да, эслеб айт.
- Эм ашхы къайын ана мамукъ бла башынгы тешер.
- Суу ичген шауданынга тюкюрме.
- Тамырсыз терекге таянма – джыгъылырса.
- Адеб джокъда, намыс джокъ.
- Чабакъ башындан чирийди.
- Уллу къазанда бишген эт, чий къалмаз.
- Аман адам элни бир-бирине джау этер.
- Азыкъ аз болса, эртде орун сал.
- Эл ауузу – элек, анга ийнаннган – халек.
- Тойну къарнашы – харс, джырны къарнашы – эжиу.
Эльба - Чё 3 года
06.01.2016