- Мухар, кеси тойса да, кёзю тоймаз.
- Ойнаб айтсанг да, эслеб айт.
- Кюлме джашха – келир башха.
- Таукел адам тау тешер.
- Джарлыны тону джаз битер.
- Кесине гебен этелмеген, биреуге черен эте эди.
- Алтыда кюлмеген, алтмышда кюлмез.
- Джангызны оту джарыкъ джанмаз!
- Суугъа – чабакъ, къаягъа – ыргъакъ.
- Оюмсуз атлагъан, аджалсыз ёлюр.
- Джарашыу сюйген – джалынчакъ.
- Адамны бетине къарама, адетине къара.
- Баланы адам этген анады.
- Эки къатын алгъанны къулагъы тынгнгаймаз.
- Тамчы таш тешер.
- Ёлюк кебинсиз къалмаз.
- Халкъны юйю – туугъан джери.
- Таукелге нюр джауар.
- Ашатыргъа иш – ашхы, ишлетирге аш – ашхы.
- Кёбге таш атма.
- Ишлегенден, къарагъан уста.
- Суу ичген шауданынга тюкюрме.
- Къолу уллу – асыу, аягъы уллу – джарсыу.
- Аш берме да, къаш бер.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Окъугъан – асыу, окъумагъан – джарсыу.
- Чалманны аллы къалай башланса, арты да алай барады.
- Бети къызарыучу адамны, джюреги харам болмаз.
- Джети тилни билген джети кишиди.
- Эли джокъну – кёлю джокъ.
- Ашхы атаны – джашы ашхы, ашхы ананы – къызы ашхы.
- Азыгъы аз, алгъа къабар, аты аман, алгъа чабар.
- Гитче джилтин уллу элни джандырыр.
- Узун джолну барсанг, бюгюн келирсе, къысха джолну барсанг, тамбла келирсе.
- Къуру гыбыт бек дыгъырдар.
- Нарт сёз къарт болмаз.
- Тёрде – темир таякълы, къаяда – чыпчыкъ аякълы.
- Aдам боллукъ, сыфатындан белгили.
- Ойнай билмеген, уруб къачар.
- Къайгъы тюбю – тенгиз.
- Бет бетге къараса, бет да джерге къарар.
- Биреуге аманлыкъ этиб, кесинге игилик табмазса.
- Кеси юйюмде мен да ханма.
- Ёгюзню мюйюзюнден тутадыла, адамны сёзюнден тутадыла.
- Уллу суу бла уллу ауруудан башынгы сакъла.
- Мадар болса, къадар болур.
- Онгсузну – джакъла, тенгликни – сакъла.
- Мураты болгъанны джюрек тебюую башхады.
- Къонакъ аз олтурур, кёб сынар.
- Билеги кючлю, бирни джыгъар, билими кючлю, мингни джыгъар.
Эльба - Чё 3 года
06.01.2016