- Эски джаугъа ышанма.
- Ач келгенни – тойдур, кеч келгенни – къондур.
- Джукъу тёшек сайламайды.
- Тамырсыз терекге таянма – джыгъылырса.
- Орну джокъну – сыйы джокъ.
- Ашлыкъны арба юйге келтирир, чана базаргъа элтир.
- Бал – татлы, балдан да бала – татлы.
- Ышармагъан – кюлмез, кюлмеген – къууанчны билмез.
- Окъумагъан сокъурду, сокъур ташха абыныр!
- Ёзденликни джайгъан – джокълукъ.
- Ачлыкъда тары гырджын халыуадан татлы.
- Къар – келтирди, суу – элтди.
- Игини сыйлагъан адетди.
- Ариу сёзде ауруу джокъ.
- Окъуусуз билим – джокъ, билимсиз кюнюнг – джокъ.
- Чомартха хар кюн да байрамды.
- Джиби бир къат джетмей эди да, эки къат тарта эди.
- Ёпкелегенни ашы татлы болады.
- Къуллукъчума, деб махтанма, къуллукъ – хаух джамчыды!
- Айтылгъан буйрукъ, сёгюлмез
- «Ёгюз, джаргъа джууукъ барма, меннге джюк боллукъса», - дегенди эшек.
- Берекет берсин деген джерде, берекет болур.
- Шапа кёб болса, аш татымсыз болур.
- Ариуну – ауруу кёб.
- Ёлген аслан – сау чычхан.
- Тёрдеги кюлсе, эшикдеги ышарыр.
- Эли джокъну – кёлю джокъ.
- Аш иеси бла татлыды.
- Кёпюр салгъан кеси ётер, уру къазгъан кеси кетер.
- Мадар болса, къадар болур.
- Аманны эки битли тону болур, бирин сеннге кийдирир, бирин кеси киер.
- Нарт сёз – тилни бети.
- Окъугъан – асыу, окъумагъан – джарсыу.
- Къонагъынгы артмагъын алма да, алгъышын ал.
- Ач бёрюге мекям джокъ.
- Ёлмесенг да, къарт дамы болмазса?
- Эки къатын алгъан – эки ташны ортасына башын салгъан.
- Тилсиз миллет джокъ болур.
- Кёзюнде тереги болгъан, чёбю болгъаннга кюле эди.
- Къызгъанчдан ычхыныр, мухардан ычхынмаз.
- Джаханимни кёрмей, джандетге кёл салмазса.
- Насыблы элин сюер, насыбсыз кесин сюер.
- Орундукъ тюбюнде атылсам да, орта джиликме, де да айлан.
- Чомартха Тейри да борчлуду.
- Рысхы – сют юсюнде кёмюк кибикди.
- Кёз – сюйген джерде, къол – ауругъан джерде.
- Бичгенде ашыкъма, тикгенде ашыкъ.
- Бети бедерден, намыс сакълама.
- Эл ауузу – элия.
- «Ма», - дегенни билмесенг, «бер», - дегенни билмезсе.
Эльба - Чё 3 года
06.01.2016