Эльбрусоид :: Эльбрусоид :: Эльба

Бети къызарыучу адамны, джюреги харам болмаз.
Аш кетер да бет къалыр.
Джуртун къоругъан озар.
Аз айтсам, кёб ангылагъыз.
Акъдан къара болмаз.
Кеси юйюмде мен да ханма.
Тешигини къатында, чычхан да батыр болур.
Къатын байлыкъны сюер, эр саулукъну сюер.
Эшекни не къадар тюйсенг да, ат болмаз.
Булут кёкге джарашыу, уят бетге джарашыу.
Эки къатын алгъанны къулагъы тынгнгаймаз.
Кёб къычыргъандан – къоркъма, тынч олтургъандан – къоркъ.
Адамны джюреги нени кёрюрге сюйсе, кёзю да аны кёрюрге ёч болады.
Ачыкъ джюрекге джол – ачыкъ.
Кёбге таш атма.
Элге къуллукъ этмеген, элге ие болмаз.
Баргъанынга кёре болур келгенинг.
Къатын къылыкъсыз, эр тынчлыкъсыз.
Тёгюлген тюгел джыйылмайды.
Юй кюйдю да, кюйюз чыкъды, ортасындан тюйюш чыкъды.
Джумушакъ сёз къаты таякъны сындырыр.
Эм уллу байлыкъ – джан саулукъ.
Сабыр джетер муратха, сабырсыз къалыр уятха.
Кенгеш болса, уруш болмаз.
Къайгъыны сюйген, къайгъы табар.
Сёлеш деб шай берген, тохта деб, сом берген.
Кюн кёрмеген, кюн кёрсе, кюндюз чыракъ джандырыр.
Кийим тукъум сордурур.
Билим насыб берир, билим джолну керир.
Эки итни арасына сюек атма, эки адамны арасында сёз чыгъарма.
Ауузу бла къуш тута айланады.
Сабий кёргенин унутмаз.
Къанны къан бла джуума, аманны аман бла къуума.
Айырылгъанланы айю ашар, бёлюннгенлени бёрю ашар.
Къобан да къуру да къобханлай турмайды, адам да къуру да патчахлай турмайды.
Джан саулукъ бермей, сан саулукъ бермезсе.
Рысхы джалгъанды: келген да этер, кетген да этер.
Кёбден умут этиб, аздан къуру къалма.
Джылкъыдан – ат чыгъар, тукъумдан – джаш чыгъар.
Арбаз къынгырды да, ийнек сауалмайма.
Тойгъа алгъа да барма, тойда артха да къалма.
Байлыкъ адамны сокъур этер.
Насыб бютеу халкъны юлюшюдю.
Соргъан айыб тюлдю, билмеген айыбды.
Адам боллукъ, атламындан белгили болур.
Сагъышы джокъ – джукъучу, акъылы джокъ – къаугъачы.
Башда акъыл болмаса, эки аякъгъа кюч джетер.
Окъугъан – асыу, окъумагъан – джарсыу.
Сескекли кесин билдирир.
Джыланны къуйругъундан басарынг келсе, аны башы болгъанын унутма.