- Бети къызарыучу адамны, джюреги харам болмаз.
- Ашхы сёз таш тешер.
- Окъ къызбайны джокълайды.
- Сабыр джетер муратха, сабырсыз къалыр уятха.
- Халкъны юйю – туугъан джери.
- Джырчы ёлсе, джыры къалыр.
- Магъанасыз сёз – тауушсуз сыбызгъы.
- Кесине оноу эте билмеген, халкъына да эте билмез.
- Сакъламагъан затынга джолукъсанг, не бек къууанаса, не бек ачыйса.
- Джеринден айырылгъан – джети джылар, джуртундан айырылгъан – ёлгюнчю джылар.
- Ётюрюк хапар аякъ тюбю бла джюрюйдю.
- Джарашыу сюйген – джалынчакъ.
- Хар сёзню орну барды.
- Атлыны кёрсе, джаяуну буту талыр.
- Адебни адебсизден юрен.
- Акъыллы башны – тили къысха.
- Насыблы элин сюер, насыбсыз кесин сюер.
- Кёбден умут этиб, аздан къуру къалма.
- Сууда джау джокъ, кёб сёзде магъана джокъ.
- Сангырау къулакъ эл бузар.
- Арбаз къынгырды да, ийнек сауалмайма.
- Абынмазлыкъ аякъ джокъ, джангылмазлыкъ джаякъ джокъ.
- Чалманны аллы къалай башланса, арты да алай барады.
- Чакъырылмагъан джерге барма, чакъырылгъан джерден къалма.
- Ата Джуртча джер болмаз, туугъан элча эл болмаз.
- Таш ата билмеген, башына урур.
- Къазанчы аман болса, къазаны къайнамаз.
- Кёл – къызбай, къол – батыр.
- Джаралыны джастыгъында сау ёлюр.
- Ач, тоймам, дейди, тойгъан, ач болмам, дейди.
- Байлыкъ адамны сокъур этер.
- Суугъа – таянма, джаугъа – ийнанма.
- Ариу – кёзге, акъыл – джюрекге.
- Уллу айтханны этмеген – уллаймаз.
- Хатерли къул болур.
- Джылыгъа джылан илешир.
- Таукел къуру къалмаз.
- Адамны аманы адамны бети бла ойнар.
- Айтханы чапыракъдан ётмеген.
- Ишни ахырын ойламай, аллын башлама.
- Керилген да, ургъан кибикди.
- Уруну арты – къуру.
- Джаным-тиним – окъуу, билим.
- Джарлыны тону джаз битер.
- Сёз садакъдан кючлюдю.
- Къыйынлы джети элге оноу этер.
- Къанны къан бла джуума, аманны аман бла къуума.
- Сормай – алма, чакъырылмай – барма.
- Битмегеннге сакъал – танг.
- Тау башында, тау болмаз, джангыз терек, бау болмаз.
Эльба - Чё 3 года
06.01.2016