- Кёрмегеннге кебек – танг, битмегеннге сакъал – танг.
- Аман адамны тепсинге олтуртсанг, къызынгы тилер.
- Джарлы эскисин джамаса, къууаныр.
- Чакъырылмагъан къонакъ къачан кетерин сормаз.
- Уллу айтханны этмеген – уллаймаз.
- Ачлыкъда тары гырджын халыуадан татлы.
- Кёбге таш атма.
- Ёксюзню тилеги къабыл болур.
- Эри аманны, къатыны – аман.
- Хар адамгъа кеси миннген тау кибик.
- Итли къонакъ джарашмаз.
- Накъырда – кертини келечиси.
- Сибиртки да сыйлы болду, кюрек да кюнлю болду.
- Экиндини кеч къылсанг, чабыб джетер ашхам.
- Джюрек кёзден алгъа кёрюр.
- Алтыда кюлмеген, алтмышда кюлмез.
- Тюзню ётмеги тюзде къалса да, тас болмаз.
- Баргъанынга кёре болур келгенинг.
- Иги адам абынса да, джангылмаз.
- Къарыусузгъа кюлме, онгсузгъа тийме.
- Тил – миллетни джаны.
- Къатын къылыкъсыз, эр тынчлыкъсыз.
- Ачлыкъ отха секиртир.
- Джиби бир къат джетмей эди да, эки къат тарта эди.
- Чабакъгъа акъыл, табагъа тюшсе келеди.
- Кёзюнде тереги болгъан, чёбю болгъаннга кюле эди.
- Ёлген ийнек сютлю болур.
- Бойнуму джети джерден кессенг да, мен ол ишни этеллик тюлме.
- Къаллай салам берсенг, аллай джууаб алырса.
- Ашхы адам – халкъ байлыгъы, ашхы джер – джашау байлыгъы.
- Ариу джол аджал келтирмез.
- Ауурну тюбю бла, дженгилни башы бла джюрюген.
- Къызгъанчдан ычхыныр, мухардан ычхынмаз.
- Ханы къызы буюгъа-буюгъа киштик болду.
- Джарлы тюеге минсе да, ит къабар.
- Сёз садакъдан кючлюдю.
- Къууут – джелге, берне – бошха.
- Ашыкъгъанны этеги бутуна чырмалыр.
- Эл ауузу – элия.
- Мухардан ач ычхынмаз.
- Аллахха ийнаннган кишини, Аллах онгдурур ишин.
- Чакъырылмай келген къонакъ сыйланмай кетер.
- Ашлыкъ – бюртюкден, джюн – тюкден.
- Тилде сюек болмаса да, сюек сындырыр.
- Сакъалы текени да бар, мыйыгъы киштикни да бар.
- Башынга джетмегенни сорма.
- Тил джюрекге джол ишлейди.
- Билим насыб берир, билим джолну керир.
- Чалманны аллы къалай башланса, арты да алай барады.
- Бетинги сатма, малынгы сат.
Эльба - Чё 3 года
06.01.2016