- Накъырда – кертини келечиси.
- Къар – келтирди, суу – элтди.
- Бети бедерден, намыс сакълама.
- Арыгъан къош чамчы болур.
- Акъыл къартда, джашда тюйюлдю – башдады.
- Иги – алгъыш этер, аман – къаргъыш этер.
- Акъдан къара болмаз.
- Ашхы сёз таш тешер.
- Азыкъ аз болса, эртде орун сал.
- Aдам боллукъ, сыфатындан белгили.
- Джарлыны тону джаз битер.
- Чабакъсыз кёлге къармакъ салгъанлыкъгъа, чабакъ тутмазса.
- Акъыллы айтыр эди, акъылсыз къоймайды.
- Таукелге нюр джауар.
- Тай асырагъан, атха минер.
- Мен да «сен», дейме, сен да «кесим», дейсе.
- Эл бла кёргенинг эрелей.
- Ёзденликни джайгъан – джокълукъ.
- Кёз – сюйген джерде, къол – ауругъан джерде.
- Этни бети бла шорпасы.
- Мал тутхан – май джалар.
- Ашхы – джыяр, аман – джояр.
- Ачлыкъда тары гырджын халыуадан татлы.
- Шайтан алдады, тюзлюк къаргъады.
- Билими азны – ауузунда кирит.
- Ачыу алгъа келсе, акъыл артха къалады.
- Бал ашаргъа сюе эсенг, чибин ургъаннга тёз.
- Ашлыкъны арба юйге келтирир, чана базаргъа элтир.
- Ишни аллы бла къууанма да, арты бла къууан.
- Этни да ашады, бетни да ашады.
- Билмезни кёзю кёрмез, этмезни къулагъы эшитмез.
- Игиге айтсанг – билир, аманнга айтсанг – кюлюр.
- Ауругъаннга – кийик саулукъ, джетген къызгъа – чилле джаулукъ.
- Адам къаллай бир ишленмесе, аллай бир кесин уллу кёреди.
- Адамны адамлыгъы къыйынлыкъда айгъакъланады.
- Тюзлюк тас болмайды.
- Сагъышы джокъ – джукъучу, акъылы джокъ – къаугъачы.
- Адам къыйынлыгъын кёлтюрюр, зауукълугъун кёлтюрмез.
- Чабар ат – джетген къыз.
- Ким бла джюрюсенг, аны кёзю бла кёрюнюрсе.
- Элиб деген, элге болушур.
- Кёб джат да, бек чаб.
- Ёлген эшек бёрюден къоркъмайды.
- Айран тёгюлсе, джугъусу къалыр.
- Таукел къуру къалмаз.
- Акъылсызны джууукъгъа алма, акъыллыны кенгнге салма.
- Малны кют, джерни тюрт.
- Ишленмеген джаш – джюгенсиз ат, ишленмеген къыз – тузсуз хант.
- Къоркъакъны кёзю экили кёрюр.
- Нарт сёз – тилни бети.
Эльба - Чё 3 года
06.01.2016