Эльбрусоид :: Эльбрусоид :: Эльба

Къонакъны къачан кетерин сорма, къачан келлигин сор.
Къызын тута билмеген, тул этер, джашын тута билмеген, къул этер.
Ауругъан – джашаудан умутчу.
Махтаннган къыз, тойда джукълар.
Эки къатын алгъанны къулагъы тынгнгаймаз.
Огъурлуну сёзю – суу, огъурсузну сёзю – уу.
Къолу уллу – асыу, аягъы уллу – джарсыу.
От кюйдюрген, сау болса да, тот кюйдюрген, сау болмаз.
Къууут – джелге, берне – бошха.
Сёз садакъдан кючлюдю.
Биреуню тёрюнден, кесинги эшик артынг игиди.
Джаш къарыу бла кючлю, къарт акъыл бла кючлю.
Чёбню кёлтюрсенг, тюбюнден сёз чыгъар.
Билимли ёлмез, билимсиз кёрмез.
Тура эдим джата, къайдан чыкъды хата?
Онгсузну – джакъла, тенгликни – сакъла.
Атлыны кёрсе, джаяуну буту талыр.
Къазанчы аман болса, къазаны къайнамаз.
Терек ауса, отунчу – кёб.
Шапа кёб болса, аш татымсыз болур.
Къыйынлы джети элге оноу этер.
Джигер – джаннга къыйынлыкъ.
Аманны тукъумуна къарама, игини тукъумун сорма.
Тойгъандан сора, ашны сёкме.
Биреу къой излей, биреу той излей.
Ат басханны джер билед.
Кёб джашагъан – кёб билир.
Ишлегенден, къарагъан уста.
Кюн кёрмеген, кюн кёрсе, кюндюз чыракъ джандырыр.
Къартха ушагъан джаш – акъыллы, джашха ушагъан къарт – тели.
Эшекге миннген – биринчи айыб, андан джыгъылгъан – экинчи айыб.
Билим насыб берир, билим джолну керир.
Акъыл бла адеб эгизледиле.
Мураты болгъанны джюрек тебюую башхады.
Ауузу бла къуш тута айланады.
Къатын байлыкъны сюер, эр саулукъну сюер.
Тёзген – тёш ашар!
Ач бёрюге мекям джокъ.
Ёзденликни кёбю ётюрюк.
Ишлемеген – тишлемез.
Эки къатын алгъан – эки ташны ортасына башын салгъан.
Къралынгы – душмандан, башынгы от бла суудан сакъла.
Малны кют, джерни тюрт.
Къонагъынгы артмагъын алма да, алгъышын ал.
Тойгъан джерден туугъан джер игиди.
Тиширыусуз юй – отсуз от джагъа.
Ач къалгъандан, кеч къалгъан къолай.
Байлыкъ тауусулур, билим тауусулмаз.
Хатерли къул болур.
Чомарт джарлы болмаз.