- Ачны эсинде – аш.
- Тёрдеги кюлсе, эшикдеги ышарыр.
- Къызгъанчдан ычхыныр, мухардан ычхынмаз.
- Къартны сыйын кёрмеген, къартлыгъында сыйлы болмаз.
- Аман адам элни бир-бирине джау этер.
- Башынга джетмегенни сорма.
- Кёб къычыргъандан – къоркъма, тынч олтургъандан – къоркъ.
- Кийимни бичсенг, кенг бич, тар этген къыйын тюлдю.
- Къулакъдан эсе, кёзге ышан.
- Уллу къазанда бишген эт, чий къалмаз.
- Ышармагъан – кюлмез, кюлмеген – къууанчны билмез.
- Арпа, будай – ащды, алтын, кюмюш а – ташды.
- Кёлсюзден сёзсюз тууар.
- Джылар джаш, атасыны сакъалы бла ойнар.
- Ашхылыкъ джерде джатмайды, аманлыкъ суугъа батмайды.
- Олтуруб кёрюнмей эди да, ёрге туруб кёрюне эди.
- Сормай – алма, чакъырылмай – барма.
- Байдан умут эте, джарлыдан ёгюз багъасы къорады.
- Намысы джокъну – дуниясы джокъ.
- Ата Джуртча джер болмаз, туугъан элча эл болмаз.
- Къарыусузгъа кюлме, онгсузгъа тийме.
- Ауузу бла къуш тута айланады.
- Бети – къучакълар, джюреги – бычакълар.
- Таякъ этден ётер, тил сюекден ётер.
- Ашлыкъ – бюртюкден, джюн – тюкден.
- Ойнай билмеген, уруб къачар.
- Аууз сакълагъан – джан сакълар.
- Келлик заман – къартлыкъ келтирир, кетген заман – джашлыкъ ёлтюрюр.
- Акъдан къара болмаз.
- Тойну къарнашы – харс, джырны къарнашы – эжиу.
- Къыз чыгъаргъан – къызыл къымжа.
- Ишлемеген – тишлемез.
- Эри аманны, къатыны – аман.
- Къонакъ аман болса, къонакъбай джунчур
- Адебни адебсизден юрен.
- Аш кетер да бет къалыр.
- Элиб деген, элге болушур.
- Эки итни арасына сюек атма, эки адамны арасында сёз чыгъарма.
- Суугъа – таянма, джаугъа – ийнанма.
- Аллахдан тилесенг, кёб тиле.
- Эл тойса, тоймагъан, эл къойса, къоймагъан.
- Байлыкъ тауусулур, билим тауусулмаз.
- Адам сёзюнден белгили.
- Акъыллы эркиши атын махтар, акъылсыз эркиши къатынын махтар.
- Ата – билек, ана – джюрек!
- Акъылсызны джууукъгъа алма, акъыллыны кенгнге салма.
- Джашда акъыл джокъ, къартда къарыу джокъ.
- Акъыл бла адеб эгизледиле.
- Билимсиз иш бармаз.
- Къатын байлыкъны сюер, эр саулукъну сюер.