- Мадар болса, къадар болур.
- Ашлыкъны арба юйге келтирир, чана базаргъа элтир.
- Элиб деген, элге болушур.
- Эм уллу байлыкъ – джан саулукъ.
- Арпа, будай – ащды, алтын, кюмюш а – ташды.
- Арыгъан къош чамчы болур.
- Ачны эсинде – аш.
- Эртде тургъан бла эртде юйленнген сокъуранмаз.
- Игиге айтсанг – билир, аманнга айтсанг – кюлюр.
- Зар адам ашынгы ашар, кесинги сатар.
- Сакъ юйюне сау барыр.
- Эм ашхы къайын ана мамукъ бла башынгы тешер.
- Эки элинги тыйсанг, джети элде махталырса.
- Чабакъ башындан чирийди.
- Булут кёкге джарашыу, уят бетге джарашыу.
- Уллу атлама – абынырса, уллу къабма – къарылырса.
- Кюлме джашха – келир башха.
- Ашын ашагъанынгы, башын да сыйла.
- Алтыда кюлмеген, алтмышда кюлмез.
- Адам боллукъ, атламындан белгили болур.
- Адам къыйынлыгъын кёлтюрюр, зауукълугъун кёлтюрмез.
- Азыкъ аз болса, эртде орун сал.
- Билмезни кёзю кёрмез, этмезни къулагъы эшитмез.
- Башланнган иш битер, къымылдагъан тиш тюшер.
- Нёгерсизни джолу узун.
- Билмейме деген – бир сёз
- Къатын къылыкъсыз, эр тынчлыкъсыз.
- Байдан умут эте, джарлыдан ёгюз багъасы къорады.
- Аз айтсам, кёб ангылагъыз.
- Окъумагъан сокъурду, сокъур ташха абыныр!
- Джылар джаш, атасыны сакъалы бла ойнар.
- Ёгюзню мюйюзюнден тутадыла, адамны сёзюнден тутадыла.
- Кёзню ачылгъаны – иги, ауузну джабылгъаны – иги.
- Сёлеш деб шай берген, тохта деб, сом берген.
- Тил – кесген бычакъ, сёз – атылгъан окъ.
- Джумушакъ сёз къаты таякъны сындырыр.
- Тойчу джашха къарама, къойчу джашха къара.
- Суу кетер, таш къалыр.
- Эки ойлашыб, бир сёлешген.
- Кёзюнде тереги болгъан, чёбю болгъаннга кюле эди.
- Биреуню эскиси биреуге джангы болмайды.
- Мал ёлсе, сюек къалыр, адам ёлсе, иши къалыр.
- Баргъанынга кёре болур келгенинг.
- Ат басханны джер билед.
- Ана къойну – балагъа джандет.
- Аман къатын алгъан, арыр, иги къатын алгъан джарыр.
- Игини сыйлагъан адетди.
- Джауумдан сора, кюн кюйдюрюр, ётюрюкден сора, айыб кюйдюрюр.
- Джашынгы кесинг юретмесенг, джашау юретир.
- Къайгъы тюбю – тенгиз.