- Орну джокъну – сыйы джокъ.
- Къайгъыны сюйген, къайгъы табар.
- Эте билген, этген этеди, эте билмеген, юретген этеди!
- Окъугъанны бети джарыкъ.
- Бети бедерден, намыс сакълама.
- Битмегеннге сакъал – танг.
- Таукелге нюр джауар.
- Суугъа – чабакъ, къаягъа – ыргъакъ.
- Тёрдеги кюлсе, эшикдеги ышарыр.
- Мен да «сен», дейме, сен да «кесим», дейсе.
- Аманны къуугъан, аманлыкъ табар.
- Чыкълы кюнде чыкъмагъан, чыкъса къуру кирмеген.
- Тамбла алтындан бюгюн багъыр ашхы.
- Сёз къанатсыз учар.
- Таула не мийик болсала да, аууш табылыр.
- Ёксюзню тилеги къабыл болур.
- Бал чибинни ургъаны – ачы, балы – татлы.
- Окъуусуз билим – джокъ, билимсиз кюнюнг – джокъ.
- Абынмазлыкъ аякъ джокъ, джангылмазлыкъ джаякъ джокъ.
- Акъыл бла адеб эгизледиле.
- Элге къуллукъ этмеген, элге ие болмаз.
- Халкъны джырын джырласанг, халкъ санга эжиу этер.
- Ёмюрлюк шохлукъну джел элтмез.
- Чомартны къолу берекет.
- Эркиши – от, тиширыу – суу.
- Джогъун бар этген, барын бал этген.
- Этим кетсе да, сюегим къалыр.
- Акъыллы башны – тили къысха.
- Асхат ашлыкъ сата, юйдегиси ачдан къата.
- Ашда уялгъан – мухар, ишде уялгъан – хомух.
- Башы джабылгъан челекге, кир тюшмез.
- Адамны артындан къара сабан сюрме.
- Намыс болмагъан джерде, насыб болмаз.
- Ауурну тюбю бла, дженгилни башы бла джюрюген.
- Тойгъандан сора, ашны сёкме.
- Тил – миллетни джаны.
- Баланы адам этген анады.
- Насыб бютеу халкъны юлюшюдю.
- Юй ишлеген балта эшикде къалыр.
- Кёбню кёрген – кёб билир.
- Хантына кёре тузу, юйюне кёре къызы.
- Минг тенг да азды, бир джау да кёбдю.
- Кюлме джашха – келир башха.
- Къыз чыгъаргъан – къызыл къымжа.
- Намыс сатылыб алынмайды.
- Борчунг бар эсе, хурджунунга ойлаб узал.
- Ишни ахырын ойламай, аллын башлама.
- Сибиртки да сыйлы болду, кюрек да кюнлю болду.
- Билмезни кёзю кёрмез, этмезни къулагъы эшитмез.
- Сакъалы текени да бар, мыйыгъы киштикни да бар.