- Накъырданы арты керти болур.
- Аман эсирсе, юйюн ояр.
- Къалгъан ишге къар джауар.
- Телиге акъыл салгъандан эсе, ёлгеннге джан салырса.
- Кийимни бир кюнню аясанг, минг кюннге джарар.
- Къатын къылыкъсыз, эр тынчлыкъсыз.
- Ата Джуртуму башы болмасам да, босагъасында ташы болайым.
- Ашда – бёрю, ишде – ёлю.
- Къатын байлыкъны сюер, эр саулукъну сюер.
- Таукел тауну аудурур.
- Къатыны харакетли болса, эри къымсыз болур.
- Джарлы тюеге минсе да, ит къабар.
- Соргъан айыб тюлдю, билмеген айыбды.
- Джаз бир кюнню джатсанг, къыш талай кюнню абынырса.
- Эр абынмай, эл танымаз.
- Тойгъанлыкъ къойгъа джарашады.
- Иги адам абынса да, джангылмаз.
- Башда акъыл болмаса, эки аякъгъа кюч джетер.
- Тура эдим джата, къайдан чыкъды хата?
- Ариу сёз джыланны орнундан чыгъарыр.
- Нарт сёз – тилни бети.
- Аш кетер да бет къалыр.
- Сёз къанатсыз учар.
- Чакъырылмагъан джерге барма, чакъырылгъан джерден къалма.
- Чакъырылмагъан къонакъ – орунсуз.
- Ариу сёзде ауруу джокъ.
- Къая джолда джортма, ачыкъ сёзден къоркъма.
- Джырчы ёлсе, джыры къалыр.
- Насыблы элин сюер, насыбсыз кесин сюер.
- Тил бла келеди джыр да.
- Сескекли кесин билдирир.
- Джырына кёре эжиую.
- Джарлыны эшигин махтагъан джабар.
- Аджашхан тёгерек айланыр.
- Экеулен сёлеше тура эселе, орталарына барыб кирме.
- Къонакъ кёб келюучю юйню, къазаны отдан тюшмез.
- Телиге от эт десенг, юйюнге от салыр.
- Тюзлюк шохлукъну бегитир.
- Татлы тилде – сёз ариу, чемер къолда – иш ариу.
- Ач къалгъандан, кеч къалгъан къолай.
- Тюз сёз баргъан сууну тыяр.
- Кёзю сокъурдан – къоркъма, кёлю сокъурдан – къоркъ.
- Ашха уста, юйюнде болсун
- Чомартны къолун джокълукъ байлар.
- Юй кюйдю да, кюйюз чыкъды, ортасындан тюйюш чыкъды.
- Бети – къучакълар, джюреги – бычакълар.
- Бир абыннган – минг сюрюнюр.
- Ёзденликни джайгъан – джокълукъ.
- Кийим тукъум сордурур.
- Джашда акъыл джокъ, къартда къарыу джокъ.