- Эллинг бла джау болсанг да, юйюнг бла джау болма.
- Уллу сёлешме да, уллу къаб.
- Ёнгкюч къууана барыр, джылай келир.
- Телини эшигин, махтау джабар.
- Джаным-тиним – окъуу, билим.
- Бал – татлы, балдан да бала – татлы.
- Ачны эсинде – аш.
- Ашыкъгъан cуу, тенгизге джетмез.
- Окъугъан озар, окъумагъан тозар.
- Джырчы джырчыгъа – къарнаш.
- Келинни – келгинчи, бёркню кийгинчи кёр.
- Джюрекге ариу – кёзге да ариу.
- Арба аугъандан сора, джол кёргюзтюучю кёб болур.
- Аман эсирсе, юйюн ояр.
- Уллу къашыкъ эрин джыртар.
- Чабакъгъа акъыл, табагъа тюшсе келеди.
- Бал чибинни ургъаны – ачы, балы – татлы.
- Таукел адам тау тешер.
- Элиб деген, элге болушур.
- Тойгъан антын унутур.
- Керек ташны ауурлугъу джокъ.
- Билим насыб берир, билим джолну керир.
- Аш иеси бла татлыды.
- Ариу – кёзге, акъыл – джюрекге.
- Кесинге джетмегенни, кёб сёлешме.
- Кюл тюбюндеги от кёрюнмейди.
- Ач уят къоймаз.
- Къарнынг бла ёч алма.
- Юйюнг бла джау болгъандан эсе, элинг бла джау бол.
- Баш – акъыл ючюн, акъылман – халкъ ючюн.
- Халкъны юйю – туугъан джери.
- Аурууну келиую тынч, кетиую – къыйын.
- Окъ къызбайны джокълайды.
- Аджаллыгъа окъсуз шкок атылыр.
- Байлыкъ адамны сокъур этер.
- Тойну къарнашы – харс, джырны къарнашы – эжиу.
- Чакъырылгъанны аты, чакъырылмагъанны багъасы болур.
- Айырылгъанланы айю ашар, бёлюннгенлени бёрю ашар.
- Къралынгы – душмандан, башынгы от бла суудан сакъла.
- Арыгъан къош чамчы болур.
- Танг атмайма десе да, кюн къоярыкъ тюйюлдю.
- Ишни ахырын ойламай, аллын башлама.
- Ёпкелегенни ашы татлы болады.
- Эрни эр этерик да, къара джер этерик да, тиширыуду.
- Тёрени джагъы джокъ.
- Кёб джашагъан – кёб билир.
- Бир абыннган – минг сюрюнюр.
- Ашлыкъны арба юйге келтирир, чана базаргъа элтир.
- Тешигини къатында, чычхан да батыр болур.
- Джарлы эскисин джамаса, къууаныр.