- Къозулугъунда тоймагъан, къойлугъунда тоймаз.
- Джашлыкъ этмеген, башлыкъ этмез.
- Ашлыкъны арба юйге келтирир, чана базаргъа элтир.
- Адеб джокъда, намыс джокъ.
- Хар адамгъа кеси миннген тау кибик.
- Тёрдеги кюлсе, эшикдеги ышарыр.
- Къыз чыгъаргъан – къызыл къымжа.
- Аджаллыгъа окъсуз шкок атылыр.
- Тели турса – той бузар.
- Арба аугъандан сора, джол кёргюзтюучю кёб болур.
- Ёлюр джаннга, ёкюл джокъ.
- Тёгюлген тюгел джыйылмайды.
- Тай асырагъан, атха минер.
- Ата – билек, ана – джюрек!
- Къарыусузгъа кюлме, онгсузгъа тийме.
- Ашхы болсанг, атынг чыгъар, аман болсанг, джанынг чыгъар.
- Итли къонакъ джарашмаз.
- Кийимни бир кюнню аясанг, минг кюннге джарар.
- Босагъагъа джууукъ орун болса, ашыгъыб тёрге озма.
- Башы ишлегенни, ауузу да ишлер.
- Керти сёзге тёре джокъ.
- Ана – юйню кюн джарыгъы.
- Бал ашаргъа сюе эсенг, чибин ургъаннга тёз.
- Тойгъан антын унутур.
- Джерни букъусу кёкге къонмаз.
- Мен да «сен», дейме, сен да «кесим», дейсе.
- Къошда джокъгъа – юлюш джокъ.
- Элни кючю – эмеген.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Шекер бла туз – бир болмаз, ушамагъан – юй болмаз.
- Нафысынгы айтханын этме, намысынгы айтханын эт.
- Ариу сёз – джаннга азыкъ, аман сёз – башха къазыкъ.
- Адеб этмеген, адеб кёрмез.
- Чыбыкълыкъда бюгюлмеген, къазыкълыкъда бюгюлмей эди.
- Кюлме джашха – келир башха.
- Чарсда алчыны эл кёреди.
- Айтхан сёзюне табылгъан.
- Уясында не кёрсе, учханында аны этер.
- Джол бла сёзню къыйыры джокъ.
- Таукел къуру къалмаз.
- Къолу уллу – асыу, аягъы уллу – джарсыу.
- Сакъламагъан затынга джолукъсанг, не бек къууанаса, не бек ачыйса.
- Aдам боллукъ, сыфатындан белгили.
- Адам къыйынлыгъын кёлтюрюр, зауукълугъун кёлтюрмез.
- Иги сёз – джаннга азыкъ, аман сёз башха – къазыкъ.
- Эл ауузу – элек, анга ийнаннган – халек.
- Къатын къылыкъсыз, эр тынчлыкъсыз.
- Билимсиз иш бармаз.
- Чакъырылмагъан къонакъ къачан кетерин сормаз.
- Тамбла алтындан бюгюн багъыр ашхы.