- Ашыкъгъанны этеги бутуна чырмалыр.
- Ач – эснер, ат – кишнер.
- Ханы къызы буюгъа-буюгъа киштик болду.
- Тынгылагъан тынгы бузар.
- Бёрю да ач къалмасын, эчки да ашалмасын.
- Келинин тута билмеген, къул этер, къызын тута билмеген, тул этер.
- Ач отунчуну ачыуу – бурнунда.
- Ариу сёз – къылычдан джити.
- Аджашханны ызындагъы кёреди, джангылгъанны джанындагъы биледи.
- Къан бла кирген, джан бла чыгъар.
- Аманны тукъумуна къарама, игини тукъумун сорма.
- Магъанасыз сёз – тауушсуз сыбызгъы.
- Джангызны оту джарыкъ джанмаз!
- Башы ишлегенни, ауузу да ишлер.
- Суугъа – таянма, джаугъа – ийнанма.
- Ишни ахырын ойламай, аллын башлама.
- Къумурсхала джыйылсала, пилни да джыгъадыла.
- Эски джаугъа ышанма.
- Ач бёрюге мекям джокъ.
- Билгенни къолу къарны джандырыр.
- Къызны минг тилер, бир алыр.
- Къуллукъчума, деб махтанма, къуллукъ – хаух джамчыды!
- Нёгер болсанг, тенг бол, тенг болмасанг, кенг бол.
- Ат да турмайды бир териде.
- Намыс сатылыб алынмайды.
- Къуру гыбыт бек дыгъырдар.
- Мени джылытмагъан кюн, меннге тиймесин!
- Къызбайны юйюне дери сюрсенг, батыр болур.
- Тау башында, тау болмаз, джангыз терек, бау болмаз.
- Чомарт къолда мал къалмаз.
- Айтылгъан буйрукъ, сёгюлмез
- Къулакъдан эсе, кёзге ышан.
- Эринчекге кюн узун.
- Билмейме деген – бир сёз
- Уясында не кёрсе, учханында аны этер.
- Аз сёлеш, кёб ишле.
- Ётген ёмюр – акъгъан суу.
- От этилмеген джерден тютюн чыкъмайды.
- Билим насыб берир, билим джолну керир.
- Башда акъыл болмаса, эки аякъгъа кюч джетер.
- Атадан ёксюз – бир ёксюз, анадан ёксюз – эки ёксюз.
- Кёб джат да, бек чаб.
- Тай асырагъан, атха минер.
- Ётюрюк хапар аякъ тюбю бла джюрюйдю.
- Ёпкелегенни ашы татлы болады.
- Ариу сёз аурууунгу алыр.
- Ауузу аманнга «иги», деме.
- Дженгил джетерикме деб, узун джолну къоюб, къысхасын барма.
- Къазанны башы ачыкъ болса, итге уят керекди.
- Ана – юйню кюн джарыгъы.