- Тыш элде солтан болгъандан эсе, кесинги элде олтан болгъан игиди!
- Сютден ауузу кюйген, суугъа юфгюре эди.
- Тёгюлген тюгел джыйылмайды.
- Мени джылытмагъан кюн, меннге тиймесин!
- Ашлыкъ – бюртюкден, джюн – тюкден.
- Иги сеники эсе да, сюйген кесимикин этеме.
- Суу кетер, таш къалыр.
- Ёлген ийнек сютлю болур.
- Адеб базарда сатылмаз.
- Кесине оноу эте билмеген, халкъына да эте билмез.
- Башы джабылгъан челекге, кир тюшмез.
- Чоюнну башы ачыкъ болса, итге уят керекди.
- Азыкълы ат арымаз, къатыны аман джарымаз.
- Кёл – къызбай, къол – батыр.
- Татлы сёз – балдан татлы.
- Мадар болса, къадар болур.
- Артына баргъанны, къатына барма.
- Азыгъы аз, алгъа къабар, аты аман, алгъа чабар.
- Келинин тута билмеген, къул этер, къызын тута билмеген, тул этер.
- Тенгинг джокъ эсе – изле, бар эсе – сакъла!
- Къайгъы тюбю – тенгиз.
- Къолу уллу – асыу, аягъы уллу – джарсыу.
- Къобан да къуру да къобханлай турмайды, адам да къуру да патчахлай турмайды.
- Кюл тюбюндеги от кёрюнмейди.
- Адамны аты башхача, акъылы да башхады.
- Ариу сёзде ауруу джокъ.
- Аманны къуугъан, аманлыкъ табар.
- Бозаны арты дауур болур.
- Ачлыкъ отха секиртир.
- Сабий кёргенин унутмаз.
- Джаханимни кёрмей, джандетге кёл салмазса.
- Сууда джау джокъ, кёб сёзде магъана джокъ.
- Кюлме джашха – келир башха.
- Окъ къызбайны джокълайды.
- Къайтырыкъ эшигинги, къаты уруб чыкъма.
- Джети тилни билген джети кишиди.
- Биреуге аманлыкъ этиб, кесинге игилик табмазса.
- Тилчи тилден къаныкъмаз.
- Ана къолу ачытмаз.
- Айтхан сёзюне табылгъан.
- Джюрекден джюрекге джол барды.
- Таукел тауну аудурур.
- Аз айтсам, кёб ангылагъыз.
- Билмейме деген – бир сёз
- Ышармагъан – кюлмез, кюлмеген – къууанчны билмез.
- Хаухну атма, ёнгкючню сатма.
- Таукелге нюр джауар.
- Ким бла джюрюсенг, аны кёзю бла кёрюнюрсе.
- Нафысынгы айтханын этме, намысынгы айтханын эт.
- Кёлю джокъну – джолу джокъ.