Эльбрусоид :: Эльбрусоид :: Эльба

Эртде тургъан бла эртде юйленнген сокъуранмаз.
Къартны сыйын кёрмеген, къартлыгъында сыйлы болмаз.
Тойну къарнашы – харс, джырны къарнашы – эжиу.
Татлы сёз – балдан татлы.
Нарт сёз къарт болмаз.
Эринчекни эр алмаз, эр алса да, кёл салмаз, кёл салса да, кёб бармаз!
Къатын байлыкъны сюер, эр саулукъну сюер.
Айраннга суу къош, телиге джол бош.
Сагъышы джокъ – джукъучу, акъылы джокъ – къаугъачы.
Айырылмаз джууугъунга, унутмаз сёзню айтма.
Мен да «сен», дейме, сен да «кесим», дейсе.
Джылар джаш, атасыны сакъалы бла ойнар.
Эли джокъну – кёлю джокъ.
Эки элинги тыйсанг, джети элде махталырса.
Окъуусуз билим – джокъ, билимсиз кюнюнг – джокъ.
Тюзлюк шохлукъну бегитир.
Ёлген эшек бёрюден къоркъмайды.
Аман адамны тепсинге олтуртсанг, къызынгы тилер.
Байлыкъ тауусулур, билим тауусулмаз.
Ашын ашагъанынгы, башын да сыйла.
Джуртун къоругъан озар.
Эшекге миннген – биринчи айыб, андан джыгъылгъан – экинчи айыб.
Дуния малгъа сатылма, кесингден телиге къатылма.
Азыкъ аз болса, эртде орун сал.
Керек ташны ауурлугъу джокъ.
Абынмазлыкъ аякъ джокъ, джангылмазлыкъ джаякъ джокъ.
Ойнай билмеген, уруб къачар.
Къонакъ аз олтурур, кёб сынар.
Ач къарынны, токъ билмез
Окъдан джара эртде-кеч болса да бителир, сёз джара, ёмюрге къалыр.
Ауругъан – джашаудан умутчу.
Бетинги сатма, малынгы сат.
Акъыл сабырлыкъ берир.
Ач отунчуну ачыуу – бурнунда.
Берекет берсин деген джерде, берекет болур.
Тойгъан антын унутур.
Къарны аманнга къазан такъдырма, къолу аманнга от джакъдырма.
Малны кют, джерни тюрт.
Ёлген ийнек сютлю болур.
«Ёгюз, джаргъа джууукъ барма, меннге джюк боллукъса», - дегенди эшек.
Кесине гебен этелмеген, биреуге черен эте эди.
Биреуге аманлыкъ этиб, кесинге игилик табмазса.
Киштикге къанат битсе, чыпчыкъ къалмаз эди.
Акъыл бла адеб эгизледиле.
Этек чакъмакълары баш джаргъан, сёлешген сёзлери таш джаргъан.
Гугук кесини атын айтыб къычыргъанча, мен, мен деб нек тураса?
Къызын тута билмеген, тул этер, джашын тута билмеген, къул этер.
Арпа, будай – ащды, алтын, кюмюш а – ташды.
Джырчы ёлсе, джыры къалыр.
Иги сеники эсе да, сюйген кесимикин этеме.