- Эки къатын алгъанны къулагъы тынгнгаймаз.
- Нарт сёз къарт болмаз.
- Битмегеннге сакъал – танг.
- Чакъырылмагъан къонакъ – орунсуз.
- Сагъыш – къартлыкъгъа сюйюмчю.
- Кёкдеги болмаса, джердегин кёрмейди.
- Тойгъа барсанг, тоюб бар, эски тонунгу къоюб бар.
- Къарын къуру болса, джюрек уру болур.
- Джерни букъусу кёкге къонмаз.
- Байма, деб да, къууанма, джарлыма, деб да, джылама.
- Билимли ёлмез, билимсиз кёрмез.
- Иги – алгъыш этер, аман – къаргъыш этер.
- Ата Джуртуму башы болмасам да, босагъасында ташы болайым.
- Аджашханны ызындагъы кёреди, джангылгъанны джанындагъы биледи.
- Ёмюрлюк шохлукъну джел элтмез.
- Ариу сёз – къылычдан джити.
- Баш – акъыл ючюн, акъылман – халкъ ючюн.
- Джукъу тёшек сайламайды.
- Онгсузну – джакъла, тенгликни – сакъла.
- Адеби болмагъан къыз – тузсуз хант.
- Таукел адам тау тешер.
- Сормай – алма, чакъырылмай – барма.
- Ётген ёмюр – акъгъан суу.
- Биреу ашаб къутулур, биреу джалаб тутулур.
- Къайгъыны сюйген, къайгъы табар.
- Сескекли кесин билдирир.
- Аман эсирсе, юйюн ояр.
- Адеб базарда сатылмаз.
- Чомарт джарлы болмаз.
- Аман киши кеси юйюнде – къонакъ.
- Адамгъа аман кюн соруб келмейди.
- Къонагъынгы артмагъын алма да, алгъышын ал.
- Къыйынлы джети элге оноу этер.
- Ургъан суудан башынгы сакъла.
- Ачлыкъ отха секиртир.
- Акъыллы башны – тили къысха.
- Аманнга да, игиге да оноусуз къатышма.
- Уясында не кёрсе, учханында аны этер.
- Ашыкъгъанны этеги бутуна чырмалыр.
- Къарнынг тойгъунчу аша да, белинг талгъынчы ишле.
- Кийим тукъум сордурур.
- Ауругъан – джашаудан умутчу.
- Элде адам къалмаса, ит тахтагъа минер.
- Эрни эр этерик да, къара джер этерик да, тиширыуду.
- Кёбге таш атма.
- Хоншуну тауугъу къаз кёрюнюр, келини къыз кёрюнюр.
- Къуру гыбыт бек дыгъырдар.
- Уллу къазанда бишген эт, чий къалмаз.
- Чыкълы кюнде чыкъмагъан, чыкъса къуру кирмеген.
- Джашны джигитлиги сорулур, къызны джигерлиги сорулур.
Урал, Болгария, Катар, Кавказ, Иран
03.10.2012