- Нёгерсизни джолу узун.
- Телиге акъыл салгъандан эсе, ёлгеннге джан салырса.
- Къанны къан бла джуума, аманны аман бла къуума.
- Мухар, кеси тойса да, кёзю тоймаз.
- Къозулугъунда тоймагъан, къойлугъунда тоймаз.
- Ёлген ийнек сютлю болур.
- Къонакъны къачан кетерин сорма, къачан келлигин сор.
- Ариу сёз – джаннга азыкъ, аман сёз – башха къазыкъ.
- Ёгюзню мюйюзюнден тутадыла, адамны сёзюнден тутадыла.
- Байны къызы баймакъ болса да, юйде къалмаз!
- Джауумдан сора, кюн кюйдюрюр, ётюрюкден сора, айыб кюйдюрюр.
- Суугъа – таянма, джаугъа – ийнанма.
- Ёлген аслан – сау чычхан.
- Ойнай билмеген, уруб къачар.
- Адамны адамлыгъы къыйынлыкъда айгъакъланады.
- Окъ къызбайны джокълайды.
- Бетинги сатма, малынгы сат.
- Биреу ашаб къутулур, биреу джалаб тутулур.
- Ашатыргъа иш – ашхы, ишлетирге аш – ашхы.
- Aдам боллукъ, сыфатындан белгили.
- Ач – эснер, ат – кишнер.
- Байлыкъ келсе, акъыл кетер.
- Къызбайны юйюне дери сюрсенг, батыр болур.
- Адам туугъан джеринде, ит тойгъан джеринде.
- Ишин билген, аны сыйын чыгъарады.
- Экеу тутушса, биреу джыгъылыр.
- Чакъырылмагъан къонакъ къачан кетерин сормаз.
- Терслик кетер, тюзлюк джетер.
- Тилчи тилден къаныкъмаз.
- Дуния малгъа сатылма, кесингден телиге къатылма.
- Къумурсхала джыйылсала, пилни да джыгъадыла.
- Насыб бютеу халкъны юлюшюдю.
- Гыдай эчки суугъа къараб, мюйюзле кёрмесе, джашма алкъын, дегенди.
- Этни да ашады, бетни да ашады.
- Аш хазыр болса, иш харам болур.
- Адамны артындан къара сабан сюрме.
- Нарт сёз къарт болмаз.
- Соргъан айыб тюлдю, билмеген айыбды.
- Сууда джау джокъ, кёб сёзде магъана джокъ.
- Тёзген – тёш ашар!
- Айтхан сёзюне табылгъан.
- Кесине оноу эте билмеген, халкъына да эте билмез.
- Арбаз къынгырды да, ийнек сауалмайма.
- Насыблы элин сюер, насыбсыз кесин сюер.
- Чакъырылмагъан къонакъ – орунсуз.
- Мал кёб болса, джууукъ кёб болур.
- Ата Джуртча джер болмаз, туугъан элча эл болмаз.
- Эр сокъур болсун, къатын тилсиз болсун.
- Нарт сёз – тилни бети.
- Эринчекни аурууу – кёб.