- Бет бетге къараса, бет да джерге къарар.
- Юй ишлеген балта эшикде къалыр.
- Тас болгъан бычакъны сабы – алтын.
- Къызын тута билмеген, тул этер, джашын тута билмеген, къул этер.
- Къошда джокъгъа – юлюш джокъ.
- Байлыкъ келсе, акъыл кетер.
- Ойнай билмеген, оюн бузар.
- Къыйынлы джети элни къайгъысын этер.
- Ашатыргъа иш – ашхы, ишлетирге аш – ашхы.
- Аякъларынгы джууургъанынга кёре узат.
- Къобан да къуру да къобханлай турмайды, адам да къуру да патчахлай турмайды.
- Термилгенинги табмазса, кюлгенинге тюберсе.
- Джылыгъа джылан илешир.
- Ёгюзню мюйюзюнден тутадыла, адамны сёзюнден тутадыла.
- Чыкълы кюнде чыкъмагъан, чыкъса къуру кирмеген.
- Джетген къыз джерли эшекни танымаз.
- Булут кёкге джарашыу, уят бетге джарашыу.
- Джашлыкъ этмеген, башлыкъ этмез.
- Ашхы – джыяр, аман – джояр.
- Билмегенинги, билгеннге сор.
- Тилсиз миллет джокъ болур.
- Джюрек кёзден алгъа кёрюр.
- Бастасын ашагъан, хантусун да ичер.
- Акъыл къартда, джашда тюйюлдю – башдады.
- Ёзденликни кёбю ётюрюк.
- Къолунгдан къуймакъ ашатсанг да, атаны борчундан къутулмазса.
- Аш иеси бла татлыды.
- Ауругъан – джашаудан умутчу.
- Зар адам ашынгы ашар, кесинги сатар.
- Байны оноуу, джарлыгъа джарамаз.
- Тойгъа барсанг, тоюб бар, эски тонунгу къоюб бар.
- Татлы сёз – балдан татлы.
- Азыгъы аз, алгъа къабар, аты аман, алгъа чабар.
- Гугурук къычырмаса да, тангны атары къалмаз.
- Таш ата билмеген, башына урур.
- Насыблы элин сюер, насыбсыз кесин сюер.
- Урама да – ёледи, сатама да – келеди.
- Ашхы болсанг, атынг чыгъар, аман болсанг, джанынг чыгъар.
- Чомартны къолун джокълукъ байлар.
- Къарнынг бла ёч алма.
- Мал ёлсе, сюек къалыр, адам ёлсе, иши къалыр.
- Тура эдим джата, къайдан чыкъды хата?
- Ишленмеклик адамлыкъды.
- Терек ауса, отунчу – кёб.
- Ач бёрюге мекям джокъ.
- Къумурсхала джыйылсала, пилни да джыгъадыла.
- Кёб джат да, бек чаб.
- Арпа, будай – ащды, алтын, кюмюш а – ташды.
- Чакъырылмагъан къонакъ тёрге атламаз.
- Ашарыкъда сайлагъаннга – чий гырджын.