- Аууздан келген, къолдан келсе, ким да патчах болур эди.
- Аман къатын сабий табса, бий болур…
- Башда акъыл болмаса, эки аякъгъа кюч джетер.
- Башы ишлегенни, ауузу да ишлер.
- Къыйынлы джети элни къайгъысын этер.
- Эл тойса, тоймагъан, эл къойса, къоймагъан.
- Джаралыны джастыгъында сау ёлюр.
- Керилген да, ургъан кибикди.
- Тик ёргени, тик энгишгеси да болады.
- Кирсизни – саны таза, халалны – къаны таза.
- Урунуу – насыбны анасы.
- Биреуню тёрюнден, кесинги эшик артынг игиди.
- Ашатыргъа иш – ашхы, ишлетирге аш – ашхы.
- Эркишини аманы тиширыуну джылатыр.
- Эринчекни эр алмаз, эр алса да, кёл салмаз, кёл салса да, кёб бармаз!
- Ашхы – джыяр, аман – джояр.
- Башланнган иш битер, къымылдагъан тиш тюшер.
- Ачлыкъ отха секиртир.
- Джюрекден джюрекге джол барды.
- Сёз садакъдан кючлюдю.
- Аш кетер да бет къалыр.
- Ариу сёз – къылычдан джити.
- Ашхылыкъ джерде джатмайды, аманлыкъ суугъа батмайды.
- Суу да къайтады чыкъгъан джерине.
- Нарт сёз – тилни бети.
- Къозулугъунда тоймагъан, къойлугъунда тоймаз.
- Ёзденликни кёбю ётюрюк.
- Тюкюрюк баш джармаз, налат кёз чыгъармаз!
- Кийиминг бла танылма, адамлыкъ бла таныл.
- Ач къалгъандан, кеч къалгъан къолай.
- Джырчы джырчыгъа – къарнаш.
- Ачыкъ джюрекге джол – ачыкъ.
- Узун джолну барсанг, бюгюн келирсе, къысха джолну барсанг, тамбла келирсе.
- Юйюнг бла джау болгъандан эсе, элинг бла джау бол.
- Ашхы болсанг, атынг чыгъар, аман болсанг, джанынг чыгъар.
- Джахил болса анасы, не билликди баласы?
- Айран тёгюлсе, джугъусу къалыр.
- Тюзню ётмеги тюзде къалса да, тас болмаз.
- Ата Джуртуму башы болмасам да, босагъасында ташы болайым.
- Джылкъыдан – ат чыгъар, тукъумдан – джаш чыгъар.
- Этим кетсе да, сюегим къалыр.
- Алтыда кюлмеген, алтмышда кюлмез.
- Эшекни не къадар тюйсенг да, ат болмаз.
- Арбаз сайлама да, хоншу сайла.
- Элиб деген, элге болушур.
- «Ма», - дегенни билмесенг, «бер», - дегенни билмезсе.
- Къыз чыгъаргъан – къызыл къымжа.
- Тойчу джашха къарама, къойчу джашха къара.
- Экиндини кеч къылсанг, чабыб джетер ашхам.
- Биреуню эскиси биреуге джангы болмайды.