- Эркиши – от, тиширыу – суу.
- Биреуню къыйынлыгъы бла кесинге джол ишлеме.
- Билим къая тешер.
- Аз сёлешген, къайгъысыз турур.
- Таукел адам тау тешер.
- Джюрекден джюрекге джол барды.
- Чабар ат – джетген къыз.
- Айран ичген – къутулду, джугъусун джалагъан – тутулду.
- Ач бёрюге мекям джокъ.
- Танг атмайма десе да, кюн къоярыкъ тюйюлдю.
- Ата – билек, ана – джюрек!
- Ойнаб айтсанг да, эслеб айт.
- Къулакъдан эсе, кёзге ышан.
- Джаш болсун, къыз болсун, акъылы, саны тюз болсун.
- Ариуну – ауруу кёб.
- Тамбла алтындан бюгюн багъыр ашхы.
- Къонагъы джокъну – шоху джокъ.
- Тау башында, тау болмаз, джангыз терек, бау болмаз.
- Хоншуну тауугъу къаз кёрюнюр, келини къыз кёрюнюр.
- Акъыллы – эл иеси, тели – эл баласы.
- Иши джокъну, сыйы джокъ.
- Ариу сёз – джаннга азыкъ, аман сёз – башха къазыкъ.
- Бети къызарыучу адамны, джюреги харам болмаз.
- Болджал ишни бёрю ашар.
- Уясында не кёрсе, учханында аны этер.
- Тик ёргени, тик энгишгеси да болады.
- Телиге от эт десенг, юйюнге от салыр.
- Къыз тиширыу кеси юйюнде да къонакъды.
- Бозаны арты дауур болур.
- Мухар, кеси тойса да, кёзю тоймаз.
- Алтыда кюлмеген, алтмышда кюлмез.
- Къызгъанчдан ычхыныр, мухардан ычхынмаз.
- Джаханимни кёрмей, джандетге кёл салмазса.
- Айтхан сёзюне табылгъан.
- Тюкюрюк баш джармаз, налат кёз чыгъармаз!
- Аш иеси бла татлыды.
- Джырчы джырчыгъа – къарнаш.
- Тёрде – темир таякълы, къаяда – чыпчыкъ аякълы.
- Окъ къызбайны джокълайды.
- Халкъны юйю – туугъан джери.
- Ана къолу ачытмаз.
- Иги адам абынса да, джангылмаз.
- Башланнган иш битер, къымылдагъан тиш тюшер.
- Джерни букъусу кёкге къонмаз.
- Ариу сёзде ауруу джокъ.
- Бир абыннган – минг сюрюнюр.
- Ашын ашагъанынгы, башын да сыйла.
- Эшекни не къадар тюйсенг да, ат болмаз.
- Джеринден айырылгъан – джети джылар, джуртундан айырылгъан – ёлгюнчю джылар.
- Джюрекге ариу – кёзге да ариу.