- Тил – миллетни джаны.
- Ишге юренсин къоллары, халкъ бла болсун джоллары.
- Ата Джуртуму башы болмасам да, босагъасында ташы болайым.
- От этилмеген джерден тютюн чыкъмайды.
- Алма терегинден кери кетмез.
- Акъыл бла адеб эгизледиле.
- Джюз элде джюз ёгюзюм болгъандан эсе, джюз джууугъум болсун.
- Хар сёзню орну барды.
- Этим кетсе да, сюегим къалыр.
- Биреу къой излей, биреу той излей.
- Къолу уллу – асыу, аягъы уллу – джарсыу.
- Къонакъ хазыр болгъанлыкъгъа, къонакъбай хазыр тюлдю.
- Чакъырылгъанны аты, чакъырылмагъанны багъасы болур.
- Чомартны къолу берекет.
- Билеги кючлю, бирни джыгъар, билими кючлю, мингни джыгъар.
- Байлыкъ болгъан джерде, тынчлыкъ джокъду.
- Сёлеш деб шай берген, тохта деб, сом берген.
- Къанны къан бла джуума, аманны аман бла къуума.
- Къазанчы аман болса, къазаны къайнамаз.
- Къыз чыгъаргъан – къызыл къымжа.
- Ариу сёз аурууунгу алыр.
- Орну джокъну – сыйы джокъ.
- Ачлыкъ отха секиртир.
- Джылыгъа джылан илешир.
- Къолунгдан къуймакъ ашатсанг да, атаны борчундан къутулмазса.
- Кёрмегеннге кебек – танг, битмегеннге сакъал – танг.
- Сагъышы джокъ – джукъучу, акъылы джокъ – къаугъачы.
- Кюн – узун, ёмюр – къысха.
- Аман адам элни бир-бирине джау этер.
- Арбаз сайлама да, хоншу сайла.
- Керилген да, ургъан кибикди.
- Байдан умут эте, джарлыдан ёгюз багъасы къорады.
- Элни кючю – эмеген.
- Мухар, кеси тойса да, кёзю тоймаз.
- Игилик игилик бла сингдирилиучю затды.
- Бюгюн дуния кибик, тамбла ахыратды.
- Тюзню ётмеги тюзде къалса да, тас болмаз.
- Сууда джау джокъ, кёб сёзде магъана джокъ.
- Кёб джашагъан – кёб билир.
- Сёз сёзню айтдырыр.
- Садакъачыны джаны – къапчыгъында.
- Агъач халкъгъа алтынды, иссиликге салкъынды.
- Тил – кесген бычакъ, сёз – атылгъан окъ.
- Ышармагъан – кюлмез, кюлмеген – къууанчны билмез.
- Эте билген, этген этеди, эте билмеген, юретген этеди!
- Къоркъакъны кёзю экили кёрюр.
- Джогъун бар этген, барын бал этген.
- Керти сёзге тёре джокъ.
- Эшекге миннген – биринчи айыб, андан джыгъылгъан – экинчи айыб.
- Эркиши – от, тиширыу – суу.