- Байлыкъ болгъан джерде, тынчлыкъ джокъду.
- Адамны адамлыгъы къыйынлыкъда айгъакъланады.
- Байны къызы баймакъ болса да, юйде къалмаз!
- Сабийликде юретмесенг, уллу болса – тюзелмез.
- Сормай – алма, чакъырылмай – барма.
- Окъдан джара эртде-кеч болса да бителир, сёз джара, ёмюрге къалыр.
- Аджашхан тёгерек айланыр.
- Юре билмеген ит, къонакъ келтирир.
- Къыйынлы джети элни къайгъысын этер.
- Джюрекге ариу – кёзге да ариу.
- Къуллукъчума, деб махтанма, къуллукъ – хаух джамчыды!
- Ариу сёз – джаннга азыкъ, аман сёз – башха къазыкъ.
- Бек анасы джыламаз.
- Эки итни арасына сюек атма, эки адамны арасында сёз чыгъарма.
- Булут кёкге джарашыу, уят бетге джарашыу.
- Акъылсызны джууукъгъа алма, акъыллыны кенгнге салма.
- Иги бла джюрюсенг, джетерсе муратынга, аман бла джюрюсенг, къалырса уятха.
- Тамбла алтындан бюгюн багъыр ашхы.
- Гитче джилтин уллу элни джандырыр.
- Джарлы эскисин джамаса, къууаныр.
- Уруну арты – къуру.
- Накъырда – кертини келечиси.
- Сангырау къулакъ эл бузар.
- Къобан да къуру да къобханлай турмайды, адам да къуру да патчахлай турмайды.
- Кимни – тили, тиши онглу, кимни – къолу, иши онглу.
- Харам къарнашдан, халал тенг ашхы.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Кёл ашады да, кеси ашады.
- Джылкъыдан – ат чыгъар, тукъумдан – джаш чыгъар.
- Хатерли къул болур.
- Ашына кёре табагъы, балына кёре къалагъы.
- Эл ауузу – элек, анга ийнаннган – халек.
- Адам сёзге тынгыла, акъыл сёзню ангыла.
- Ашхы тенг джолгъа салыр, аман тенг джолдан тайдырыр.
- Этек чакъмакълары баш джаргъан, сёлешген сёзлери таш джаргъан.
- Адебсиз адам – джюгенсиз ат.
- Кёз – сюйген джерде, къол – ауругъан джерде.
- Терек ауса, отунчу – кёб.
- Ариуну – ауруу кёб.
- Джерни букъусу кёкге къонмаз.
- Тил бла келеди джыр да.
- Аз сёлешген, къайгъысыз турур.
- Ачыу алгъа келсе, акъыл артха къалады.
- Баланы адам этген анады.
- Чёбню кёлтюрсенг, тюбюнден сёз чыгъар.
- Уллу сёлешме да, уллу къаб.
- Келгинчи, къонакъ уялыр, келгенден сора, къонакъбай уялыр.
- Сёз сёзню айтдырыр.
- Таукел къуру къалмаз.
- Сёз – кюмюш, джыр – алтын.