Эльбрусоид :: Эльбрусоид :: Каппушевы.Архив

Артына баргъанны, къатына барма.
Ариу сёз – джаннга азыкъ, аман сёз – башха къазыкъ.
Илму – джашауну джолу.
Биреуге аманлыкъ этиб, кесинге игилик табмазса.
Чёбню кёлтюрсенг, тюбюнден сёз чыгъар.
Къобан да къуру да къобханлай турмайды, адам да къуру да патчахлай турмайды.
Кёбден умут этиб, аздан къуру къалма.
Аман киши кеси юйюнде – къонакъ.
Рысхысына кёре, джаш ёсер, къышлыгъына кёре, мал ёсер.
Аманны къуугъан, аманлыкъ табар.
Дуния малгъа сатылма, кесингден телиге къатылма.
Эр сокъур болсун, къатын тилсиз болсун.
Къыз тиширыу кеси юйюнде да къонакъды.
Ачылгъан эт джабылыр, кёрген кёз унутмаз.
Бёрю да ач къалмасын, эчки да ашалмасын.
Ёзденликни кёбю ётюрюк.
Чабакъсыз кёлге къармакъ салгъанлыкъгъа, чабакъ тутмазса.
Билгенни къолу къарны джандырыр.
Джюрекге ариу – кёзге да ариу.
От кюйдюрген, сау болса да, тот кюйдюрген, сау болмаз.
Агъач халкъгъа алтынды, иссиликге салкъынды.
Джаз бир кюнню джатсанг, къыш талай кюнню абынырса.
Уясында не кёрсе, учханында аны этер.
Къарт болгъан джерде, берекет болур, сабий болгъан джерде, оюн болур.
Мухарны эси – ашарыкъда.
Акъыллы – эл иеси, тели – эл баласы.
Хар ишни да аллы къыйынды.
Иги сеники эсе да, сюйген кесимикин этеме.
Ёмюрлюк шохлукъну джел элтмез.
Джолда аягъынга сакъ бол, ушакъда тилинге сакъ бол.
Кесинге джетмегенни, кёб сёлешме.
Байлыкъдан саулукъ ашхыды.
Нарт сёз – тилни бети.
Кёбге таш атма.
Къартны бурнун сюрт да, оноугъа тут.
Атлыны кёрсе, джаяуну буту талыр.
Эрни эр этерик да, къара джер этерик да, тиширыуду.
Эки къатын алгъан – эки ташны ортасына башын салгъан.
Юйюнг бла джау болгъандан эсе, элинг бла джау бол.
Биреуню тёрюнден, кесинги эшик артынг игиди.
Тёгюлген тюгел джыйылмайды.
Ата Джуртча джер болмаз, туугъан элча эл болмаз.
Аллахдан тилесенг, кёб тиле.
Къан бла кирген, джан бла чыгъар.
Арыгъан къош чамчы болур.
Гитче джилтин уллу элни джандырыр.
Адамны аманы адамны бети бла ойнар.
Эм ашхы къайын ана мамукъ бла башынгы тешер.
Ач къалгъандан, кеч къалгъан къолай.
Айтханы чапыракъдан ётмеген.