- Ёмюрлюк шохлукъну джел элтмез.
- Къолу уллу – асыу, аягъы уллу – джарсыу.
- Къатын байлыкъны сюер, эр саулукъну сюер.
- Акъылсызны джууукъгъа алма, акъыллыны кенгнге салма.
- Эртде тургъан джылкъычыны эркек аты тай табар.
- Джарашыу сюйген – джалынчакъ.
- Джашны джигитлиги сорулур, къызны джигерлиги сорулур.
- Туз, гырджын аша, тюзлюк бла джаша.
- Бюгюн дуния кибик, тамбла ахыратды.
- Аманнга игилик этсенг, юйюнге сау бармазса.
- Юре билмеген ит, къонакъ келтирир.
- Рысхы – сют юсюнде кёмюк кибикди.
- Байны оноуу, джарлыгъа джарамаз.
- Онгсузну – джакъла, тенгликни – сакъла.
- Итли къонакъ джарашмаз.
- Ёпкелегенни ашы татлы болады.
- Атлыны ашхысы, ат тизгининден билинир
- Чалманны аллы къалай башланса, арты да алай барады.
- Тиширыусуз юй – отсуз от джагъа.
- Рысхы – насыбха къор.
- Аман эсирсе, юйюн ояр.
- Ана къолу ачытмаз.
- Билмезни кёзю кёрмез, этмезни къулагъы эшитмез.
- Тамбла алтындан бюгюн багъыр ашхы.
- Окъугъан озар, окъумагъан тозар.
- Биреуге кёлтюрген таягъынг, кесинги башынга урур.
- Кёзю сокъурдан – къоркъма, кёлю сокъурдан – къоркъ.
- Таукелге нюр джауар.
- Эшекни не къадар тюйсенг да, ат болмаз.
- Эри аманны, къатыны – аман.
- Къонакъ болсанг, ийнакъ бол.
- Джырына кёре эжиую.
- Сабыр джетер муратха, сабырсыз къалыр уятха.
- Алгъанда – джууукъ, бергенде – джау.
- Тели турса – той бузар.
- Къайгъы тюбю – тенгиз.
- Биреуню тёрюнден, кесинги эшик артынг игиди.
- Ариу сёз – джаннга азыкъ, аман сёз – башха къазыкъ.
- Келлик заман – къартлыкъ келтирир, кетген заман – джашлыкъ ёлтюрюр.
- Тойну къарнашы – харс, джырны къарнашы – эжиу.
- Абынмазлыкъ аякъ джокъ, джангылмазлыкъ джаякъ джокъ.
- Айырылгъанланы айю ашар, бёлюннгенлени бёрю ашар.
- Адебсиз адам – джюгенсиз ат.
- Ким бла джюрюсенг, аны кёзю бла кёрюнюрсе.
- Ёлюр джаннга, ёкюл джокъ.
- Тешигини къатында, чычхан да батыр болур.
- Кёзюнде тереги болгъан, чёбю болгъаннга кюле эди.
- Болджал ишни бёрю ашар.
- Тил – миллетни джаны.
- Эл ауузу – элия.