Эльбрусоид :: Эльбрусоид :: Каппушевы.Архив

Сыфатында болмагъаны, суратында болмаз.
Аш хазыр болса, иш харам болур.
Джолда аягъынга сакъ бол, ушакъда тилинге сакъ бол.
Бастасын ашагъан, хантусун да ичер.
Джаш къарыу бла кючлю, къарт акъыл бла кючлю.
Этим кетсе да, сюегим къалыр.
Айырылмаз джууугъунга, унутмаз сёзню айтма.
Сютню башын джалагъан къутулур, тюбюн ичген тутулур.
Ачыу алгъа келсе, акъыл артха къалады.
Сёз сёзню айтдырыр.
Дууулдаса – бал чибин, къонса – къара чибин.
Чомартны къолу берекет.
Джангыз терек къынгыр ёсер.
Этни да ашады, бетни да ашады.
Юреннген ауруу къалмаз.
Байдан умут эте, джарлыдан ёгюз багъасы къорады.
Кёзю сокъурдан – къоркъма, кёлю сокъурдан – къоркъ.
Биреу ашаб къутулур, биреу джалаб тутулур.
Ач да бол, токъ да бол – намысынга бек бол.
Джаным-тиним – окъуу, билим.
Къарнынг бла ёч алма.
Билим насыб берир, билим джолну керир.
Билмезни кёзю кёрмез, этмезни къулагъы эшитмез.
Джерни букъусу кёкге къонмаз.
Дженгил джетерикме деб, узун джолну къоюб, къысхасын барма.
Адамны адамлыгъы къыйынлыкъда айгъакъланады.
Ётюрюкчюню шагъаты – къатында.
Уясында не кёрсе, учханында аны этер.
Экиндини кеч къылсанг, чабыб джетер ашхам.
Таукел къуру къалмаз.
Мен да «сен», дейме, сен да «кесим», дейсе.
Ата Джуртча джер болмаз, туугъан элча эл болмаз.
Чакъырылгъанны аты, чакъырылмагъанны багъасы болур.
Азыкъ аз болса, эртде орун сал.
Тилсиз миллет джокъ болур.
Элге къуллукъ этмеген, элге ие болмаз.
Адамны артындан къара сабан сюрме.
Къыз чыгъаргъан – къызыл къымжа.
Мал кёб болса, джууукъ кёб болур.
Къатыны харакетли болса, эри къымсыз болур.
Къызын тута билмеген, тул этер, джашын тута билмеген, къул этер.
Бет бетге къараса, бет да джерге къарар.
Бал – татлы, балдан да бала – татлы.
Адеб этмеген, адеб кёрмез.
Тешик этген тынчды, аны джамагъан къыйынды.
Кирсизни – саны таза, халалны – къаны таза.
Бети къызарыучу адамны, джюреги харам болмаз.
Тойгъа алгъа да барма, тойда артха да къалма.
Ётюрюкню башын керти кесер.
Мухардан ач ычхынмаз.