- Таула не мийик болсала да, аууш табылыр.
- Эркишиге тары кебек танг кёрюнюр.
- Чабар ат – джетген къыз.
- Окъдан джара эртде-кеч болса да бителир, сёз джара, ёмюрге къалыр.
- Адебни адебсизден юрен.
- Узун джолну барсанг, бюгюн келирсе, къысха джолну барсанг, тамбла келирсе.
- Ёлген ийнек сютлю болур.
- Ишлерге уял да, ашаргъа табма.
- Тас болгъан бычакъны сабы – алтын.
- Хунаны тюбюн къазсанг, юсюнге ауар.
- Гырджын – тепсини тамадасы.
- Тамырсыз терекге таянма – джыгъылырса.
- Сормай – алма, чакъырылмай – барма.
- Адам сёзюнден белгили.
- Къыз тиширыу кеси юйюнде да къонакъды.
- Чакъырылмай келген къонакъ сыйланмай кетер.
- Аджаллыгъа окъсуз шкок атылыр.
- Къарыусузгъа кюлме, онгсузгъа тийме.
- Джеринден айырылгъан – джети джылар, джуртундан айырылгъан – ёлгюнчю джылар.
- Айтылгъан буйрукъ, сёгюлмез
- Билмейме деген – бир сёз
- Мал кёб болса, джууукъ кёб болур.
- Къонагъынгы артмагъын алма да, алгъышын ал.
- Джерни букъусу кёкге къонмаз.
- Тынгылагъан тынгы бузар.
- Ишге юренсин къоллары, халкъ бла болсун джоллары.
- Садакъачыны джаны – къапчыгъында.
- Махтаннган къыз, тойда джукълар.
- Ашхы атаны – джашы ашхы, ашхы ананы – къызы ашхы.
- Кесине гебен этелмеген, биреуге черен эте эди.
- Эринчекни эр алмаз, эр алса да, кёл салмаз, кёл салса да, кёб бармаз!
- Айтханы чапыракъдан ётмеген.
- Чоюнну башы ачыкъ болса, итге уят керекди.
- Аджал соруб келмез, келсе, къайтыб кетмез.
- Биреу къой излей, биреу той излей.
- Иги – алгъыш этер, аман – къаргъыш этер.
- Кийим тукъум сордурур.
- Аманны эки битли тону болур, бирин сеннге кийдирир, бирин кеси киер.
- Аман адам элни бир-бирине джау этер.
- Чомартны къолу берекет.
- Аллахдан тилесенг, кёб тиле.
- Суу кетер, таш къалыр.
- «Ма», - дегенни билмесенг, «бер», - дегенни билмезсе.
- Кёлю джокъну – джолу джокъ.
- Чомартны къолун джокълукъ байлар.
- Керти сёзге тёре джокъ.
- Адеб базарда сатылмаз.
- Уллу суу бла уллу ауруудан башынгы сакъла.
- Кюл тюбюндеги от кёрюнмейди.
- Джылкъыдан – ат чыгъар, тукъумдан – джаш чыгъар.