Эльбрусоид :: Эльбрусоид :: Каппушевы.Архив

Билгенни къолу къарны джандырыр.
Ач уят къоймаз.
Тамырсыз терекге таянма – джыгъылырса.
Джаханимни кёрмей, джандетге кёл салмазса.
Эллинг бла джау болсанг да, юйюнг бла джау болма.
Бозанг болмагъан джерге, къалагъынгы сукъма.
Адам къыйынлыгъын кёлтюрюр, зауукълугъун кёлтюрмез.
Огъурлуну сёзю – суу, огъурсузну сёзю – уу.
Сёз къанатсыз учар.
Эринчекни аурууу – кёб.
Тин – байлыгъынг, терен саулугъунг.
Къарт болгъан джерде, берекет болур, сабий болгъан джерде, оюн болур.
Бал чибинни ургъаны – ачы, балы – татлы.
Уллу айтханны этмеген – уллаймаз.
Ишлемеген – тишлемез.
Къуру гыбыт бек дыгъырдар.
Джырчы ёлсе, джыры къалыр.
Билим насыб берир, билим джолну керир.
Чомарт къолда мал къалмаз.
Чомарт къонакъ юй иесин сыйлар.
Джарашыу сюйген – джалынчакъ.
Къарны аманнга къазан такъдырма, къолу аманнга от джакъдырма.
Адамны бетине къарама, адетине къара.
Кесинге джетмегенни, кёб сёлешме.
Мал тутхан – май джалар.
Азыгъы аз, алгъа къабар, аты аман, алгъа чабар.
Эртде тургъан бла эртде юйленнген сокъуранмаз.
Халкъгъа джарагъан, джарлы къалмаз.
Ана къойну – балагъа джандет.
Сормай – алма, чакъырылмай – барма.
Адамгъа аман кюн соруб келмейди.
Тура эдим джата, къайдан чыкъды хата?
Адамны сыфатына къарама, сёзюне къара.
Игилик игилик бла сингдирилиучю затды.
Къарын къуру болса, джюрек уру болур.
Джюрекден джюрекге джол барды.
Кийимни бичсенг, кенг бич, тар этген къыйын тюлдю.
Байны оноуу, джарлыгъа джарамаз.
Сабий кёргенин унутмаз.
Джарлы эскисин джамаса, къууаныр.
Аш кетер да бет къалыр.
Ауузу бла къуш тута айланады.
Чомартны къолу берекет.
Гугурук къычырмаса да, тангны атары къалмаз.
Къан бла кирген, джан бла чыгъар.
Ашхы – джыяр, аман – джояр.
Кютгени беш эчки, сызгъыргъаны уа, джерни джарады.
Акъыл неден да кючлюдю.
Къайтырыкъ эшигинги, къаты уруб чыкъма.
Ётюрюкню къуйругъу – бир тутум.