- Иги сеники эсе да, сюйген кесимикин этеме.
- Эл бла кёргенинг эрелей.
- Иесиз малны бёрю ашар.
- Джумушакъ терекни къурт ашар.
- Бермеген къол, алмайды.
- Байдан умут эте, джарлыдан ёгюз багъасы къорады.
- Аууз сакълагъан – джан сакълар.
- Болджал ишни бёрю ашар.
- Азыкълы ат арымаз, къатыны аман джарымаз.
- Халкъны юйю – туугъан джери.
- Бетинги сатма, малынгы сат.
- Ана – юйню кюн джарыгъы.
- Рысхы джалгъанды: келген да этер, кетген да этер.
- Таугъа чыгъаллыкъ эсенг, тюзде къалма.
- Эринчекни аурууу – кёб.
- Махтаннган къыз, тойда джукълар.
- Башы ишлегенни, ауузу да ишлер.
- Эри аманны, къатыны – аман.
- Сабийликде юретмесенг, уллу болса – тюзелмез.
- Бал чибинни ургъаны – ачы, балы – татлы.
- Кёзюнде тереги болгъан, чёбю болгъаннга кюле эди.
- Баргъанынга кёре болур келгенинг.
- Киштикге къанат битсе, чыпчыкъ къалмаз эди.
- Адеб джокъда, намыс джокъ.
- Телиге от эт десенг, юйюнге от салыр.
- Билим ат болуб да чабар, къуш болуб да учар.
- Тешигини къатында, чычхан да батыр болур.
- Джукъу тёшек сайламайды.
- Алгъанда – джууукъ, бергенде – джау.
- Ашхы тенг джолгъа салыр, аман тенг джолдан тайдырыр.
- Мухарны эси – ашарыкъда.
- Ёлмесенг да, къарт дамы болмазса?
- Башсыз урчукъ тюзюне айланмаз.
- Уллу айтханны этмеген – уллаймаз.
- Мал ёлсе, сюек къалыр, адам ёлсе, иши къалыр.
- Билим къая тешер.
- Атлыны ашхысы, ат тизгининден билинир
- Ариу сёз аурууунгу алыр.
- Ата – билек, ана – джюрек!
- Ашыкъгъан cуу, тенгизге джетмез.
- Тил – миллетни джаны.
- Душманны тышы – акъ, ичи – къара.
- Къыз тиширыу кеси юйюнде да къонакъды.
- Аман къатын алгъан, арыр, иги къатын алгъан джарыр.
- Кёб къычыргъандан – къоркъма, тынч олтургъандан – къоркъ.
- Танг атмайма десе да, кюн къоярыкъ тюйюлдю.
- Булут кёкге джарашыу, уят бетге джарашыу.
- Джангыз торгъай джырламаз.
- Мураты болгъанны джюрек тебюую башхады.
- Мен да «сен», дейме, сен да «кесим», дейсе.