Эльбрусоид :: Эльбрусоид :: Каппушевы.Архив

Мадар болса, къадар болур.
Биреуге кёлтюрген таягъынг, кесинги башынга урур.
Гитче джилтин уллу элни джандырыр.
Адам къаллай бир ишленмесе, аллай бир кесин уллу кёреди.
Халкъны джырын джырласанг, халкъ санга эжиу этер.
Эски джаугъа ышанма.
Ишлерге уял да, ашаргъа табма.
Ана – юйню кюн джарыгъы.
Ашхы тенг джолгъа салыр, аман тенг джолдан тайдырыр.
Кюлме джашха – келир башха.
Иги джашны ышаны – аз сёлешиб, кёб тынгылар.
Адеб этмеген, адеб кёрмез.
Къыйынлы джети элни къайгъысын этер.
Тойгъа барсанг, тоюб бар, эски тонунгу къоюб бар.
Къонакъ болсанг, ийнакъ бол.
Арбаз къынгырды да, ийнек сауалмайма.
Кёлсюзден сёзсюз тууар.
Чоюнну башы ачыкъ болса, итге уят керекди.
Адебсиз адам – джюгенсиз ат.
Джахил болса анасы, не билликди баласы?
Аякъларынгы джууургъанынга кёре узат.
Бойнуму джети джерден кессенг да, мен ол ишни этеллик тюлме.
Эки ойлашыб, бир сёлешген.
Татлы тилде – сёз ариу, чемер къолда – иш ариу.
Тулпарлыкъ, билекден тюл – джюрекден.
Келинни – келгинчи, бёркню кийгинчи кёр.
Эри аманны, къатыны – аман.
Къарыусузгъа кюлме, онгсузгъа тийме.
Ачлыкъда тары гырджын халыуадан татлы.
Къонакъ хазыр болгъанлыкъгъа, къонакъбай хазыр тюлдю.
Ёлмесенг да, къарт дамы болмазса?
Сабийни джумушха джибер да, ызындан бар.
Хата – гитчеден.
Аманны къуугъан, аманлыкъ табар.
Магъанасыз сёз – тауушсуз сыбызгъы.
Ата джурт – алтын бешик.
Телиге от эт десенг, юйюнге от салыр.
Ашыкъгъанны этеги бутуна чырмалыр.
Ёлюр джаннга, ёкюл джокъ.
Чабакъ башындан чирийди.
Азыгъы аз, алгъа къабар, аты аман, алгъа чабар.
Джаш болсун, къыз болсун, акъылы, саны тюз болсун.
Билими азны – ауузунда кирит.
Аман къатын сабий табса, бий болур…
Ашыкъгъан cуу, тенгизге джетмез.
Тилде сюек болмаса да, сюек сындырыр.
Дженгил джетерикме деб, узун джолну къоюб, къысхасын барма.
Къар – келтирди, суу – элтди.
Эринчекни эр алмаз, эр алса да, кёл салмаз, кёл салса да, кёб бармаз!
Биреуню эскиси биреуге джангы болмайды.