Эльбрусоид :: Эльбрусоид

Ашлыкъ – бюртюкден, джюн – тюкден.
Эртде тургъан джылкъычыны эркек аты тай табар.
Аманны къуугъан, аманлыкъ табар.
Эркишини аманы тиширыуну джылатыр.
Джолунга кёре – джюрюшюнг, джагъанга кёре – юлюшюнг.
Ата Джуртча джер болмаз, туугъан элча эл болмаз.
Айныгъанлы алты кюн, тогъайгъанлы тогъуз кюн.
Ашхы тенг джолгъа салыр, аман тенг джолдан тайдырыр.
Берекет берсин деген джерде, берекет болур.
Уллу къазанда бишген эт, чий къалмаз.
Кирсизни – саны таза, халалны – къаны таза.
Тилсиз миллет джокъ болур.
Джашынгы кесинг юретмесенг, джашау юретир.
Танг атмайма десе да, кюн къоярыкъ тюйюлдю.
Тенгинг джокъ эсе – изле, бар эсе – сакъла!
Хар зат кесини орнуна иги.
Суугъа – чабакъ, къаягъа – ыргъакъ.
Билимден уллу байлыкъ джокъду.
Аякъларынгы джууургъанынга кёре узат.
Ашыкъгъан cуу, тенгизге джетмез.
Хата – гитчеден.
Ашхы атаны – джашы ашхы, ашхы ананы – къызы ашхы.
Чомартха хар кюн да байрамды.
Сабийни джумушха джибер да, ызындан бар.
Кёзю сокъурдан – къоркъма, кёлю сокъурдан – къоркъ.
Малны кют, джерни тюрт.
Бетинги сатма, малынгы сат.
Къайгъыны сюйген, къайгъы табар.
Къонакъ аман болса, къонакъбай джунчур
Экиндини кеч къылсанг, чабыб джетер ашхам.
Тау башында, тау болмаз, джангыз терек, бау болмаз.
Кёзден кетген, кёлден да кетеди.
Къонакъ кёб келюучю юйню, къазаны отдан тюшмез.
Ариу сёз джыланны орнундан чыгъарыр.
Таула не мийик болсала да, аууш табылыр.
Кеси юйюмде мен да ханма.
Оюмсуз атлагъан, аджалсыз ёлюр.
Адам къыйынлыгъын кёлтюрюр, зауукълугъун кёлтюрмез.
Суугъа – таянма, джаугъа – ийнанма.
Ёзденликни джайгъан – джокълукъ.
Джумушакъ терекни къурт ашар.
Сабий болмагъан джерде, мёлек болмаз.
Акъыллы эркиши атын махтар, акъылсыз эркиши къатынын махтар.
Адам сёзюнден белгили.
Сёз садакъдан кючлюдю.
Джаз бир кюнню джатсанг, къыш талай кюнню абынырса.
Намысы болмагъанны, сыйы болмаз.
Къатын байлыкъны сюер, эр саулукъну сюер.
Башда акъыл болмаса, эки аякъгъа кюч джетер.
Ётюрюкню къуйругъу – бир тутум.