Эльбрусоид :: Эльбрусоид

Къарнынг тойгъунчу аша да, белинг талгъынчы ишле.
Ашатыргъа иш – ашхы, ишлетирге аш – ашхы.
Къууут – джелге, берне – бошха.
Чыбыкълыкъда бюгюлмеген, къазыкълыкъда бюгюлмей эди.
Кёб джат да, бек чаб.
Ана къойну – балагъа джандет.
Акъыл сабырлыкъ берир.
Терек ауса, отунчу – кёб.
Ачны эсинде – аш.
Уллу къазанда бишген эт, чий къалмаз.
Айранны сюйген, ийнек тутар.
Рысхы – насыбха къор.
Ишлегенден, къарагъан уста.
Ат басханны джер билед.
Къатын байлыкъны сюер, эр саулукъну сюер.
Ётюрюкден тюбю джокъ, кёлтюрюрге джиби джокъ.
Онгсузну – джакъла, тенгликни – сакъла.
Хатерли къул болур.
Кюлме джашха – келир башха.
Къонакъ болсанг, ийнакъ бол.
Ариу – кёзге, акъыл – джюрекге.
Ёлюр джаннга, ёкюл джокъ.
Айран ичген – къутулду, джугъусун джалагъан – тутулду.
Болджал ишни бёрю ашар.
Атадан ёксюз – бир ёксюз, анадан ёксюз – эки ёксюз.
Келгинчи, къонакъ уялыр, келгенден сора, къонакъбай уялыр.
Киштикге къанат битсе, чыпчыкъ къалмаз эди.
Эр абынмай, эл танымаз.
Бозаны арты дауур болур.
Аджашханны ызындагъы кёреди, джангылгъанны джанындагъы биледи.
Эри аманны, къатыны – аман.
Къралынгы – душмандан, башынгы от бла суудан сакъла.
Джылкъыдан – ат чыгъар, тукъумдан – джаш чыгъар.
Къызгъанчдан ычхыныр, мухардан ычхынмаз.
Орундукъ тюбюнде атылсам да, орта джиликме, де да айлан.
Аллахдан тилесенг, кёб тиле.
Тил – кесген бычакъ, сёз – атылгъан окъ.
Ата – баланы уясы.
Джашда акъыл джокъ, къартда къарыу джокъ.
Экеулен сёлеше тура эселе, орталарына барыб кирме.
Дуния аламаты сен эсенг да, игиме деб айтма.
Итли къонакъ джарашмаз.
Къазанны башы ачыкъ болса, итге уят керекди.
Сабий болмагъан джерде, мёлек болмаз.
Мухарны эси – ашарыкъда.
Тыш элде солтан болгъандан эсе, кесинги элде олтан болгъан игиди!
Эли джокъну – кёлю джокъ.
Ишлегенде эринме, ишде чолакъ кёрюнме.
Джеринден айырылгъан – джети джылар, джуртундан айырылгъан – ёлгюнчю джылар.
Кесинг сынамагъан затны, адамгъа буюрма.