Эльбрусоид :: Эльбрусоид

Джарлыны тону джаз битер.
Ачыкъ джюрекге джол – ачыкъ.
Къыйынлы джети элге оноу этер.
Джылкъыдан – ат чыгъар, тукъумдан – джаш чыгъар.
Тилчи бир сагъатха айлыкъ хата этер.
Игилик игилик бла сингдирилиучю затды.
«Ма», - дегенни билмесенг, «бер», - дегенни билмезсе.
Биреуню тёрюнден, кесинги эшик артынг игиди.
Ауурну тюбю бла, дженгилни башы бла джюрюген.
Ишни ахырын ойламай, аллын башлама.
Джашлыкъ этмеген, башлыкъ этмез.
Уруну арты – къуру.
Мен да «сен», дейме, сен да «кесим», дейсе.
Ат басханны джер билед.
Иши джокъну, сыйы джокъ.
Халкъгъа джарагъан, джарлы къалмаз.
Уллу къазанда бишген эт, чий къалмаз.
Адеб этмеген, адеб кёрмез.
Чомарт къолда мал къалмаз.
Азыкъ аз болса, эртде орун сал.
Ана къойну – балагъа джандет.
Джыланны къуйругъундан басарынг келсе, аны башы болгъанын унутма.
Келгинчи, къонакъ уялыр, келгенден сора, къонакъбай уялыр.
Акъыл бла адеб эгизледиле.
Джарлы тюеге минсе да, ит къабар.
Атлыны ашхысы, ат тизгининден билинир
Чакъырылмагъан джерге барма, чакъырылгъан джерден къалма.
Билим – акъылны чырагъы.
Сыфатында болмагъаны, суратында болмаз.
Акъыллы айтыр эди, акъылсыз къоймайды.
Бойнуму джети джерден кессенг да, мен ол ишни этеллик тюлме.
Ауругъанны сау билмез, ач къарынны токъ билмез.
Акъыллы – эл иеси, тели – эл баласы.
Ачлыкъ отха секиртир.
Ёнгкюч къууана барыр, джылай келир.
Сабийни джумушха джибер да, ызындан бар.
Ашатыргъа иш – ашхы, ишлетирге аш – ашхы.
Тил – миллетни джаны.
Кёзюнде тереги болгъан, чёбю болгъаннга кюле эди.
Эрине къаргъыш этген къатын, эрнин къабар.
Аман киши кеси юйюнде – къонакъ.
Ашда уялгъан – мухар, ишде уялгъан – хомух.
Къыз тиширыу кеси юйюнде да къонакъды.
Къонагъынгы артмагъын алма да, алгъышын ал.
Бети бедерден, намыс сакълама.
Ётюрюкню башын керти кесер.
Тынгылагъан тынгы бузар.
Ётюрюкден тюбю джокъ, кёлтюрюрге джиби джокъ.
Аурууну келиую тынч, кетиую – къыйын.
Эркишини аманы тиширыуну джылатыр.