- Зар адам ашынгы ашар, кесинги сатар.
- Бал чибинни ургъаны – ачы, балы – татлы.
- Рысхы – сют юсюнде кёмюк кибикди.
- Кийим тукъум сордурур.
- Нарт сёз – тилни бети.
- Тенги кёбню джау алмаз, акъылы кёбню дау алмаз.
- Хансыз джомакъ болмаз.
- Юйюнгден чыкъдынг – кюнюнгден чыкъдынг.
- Кёл – къызбай, къол – батыр.
- Къыйынлы джети элни къайгъысын этер.
- Къызгъанчдан ычхыныр, мухардан ычхынмаз.
- Элде адам къалмаса, ит тахтагъа минер.
- Билмегенинги, билгеннге сор.
- Тас болгъан бычакъны сабы – алтын.
- Джарлыны тону джаз битер.
- Аууз сакълагъан – джан сакълар.
- Аманны тукъумуна къарама, игини тукъумун сорма.
- Ач къалгъандан, кеч къалгъан къолай.
- Мураты болгъанны джюрек тебюую башхады.
- Нафысынгы айтханын этме, намысынгы айтханын эт.
- Азыгъы аз, алгъа къабар, аты аман, алгъа чабар.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Азыкъ аз болса, эртде орун сал.
- Орну джокъну – сыйы джокъ.
- Къатын байлыкъны сюер, эр саулукъну сюер.
- Джашынгы кесинг юретмесенг, джашау юретир.
- Бек анасы джыламаз.
- Алим болгъандан эсе, адам болгъан къыйынды.
- Кёбден умут этиб, аздан къуру къалма.
- Бюгюн дуния кибик, тамбла ахыратды.
- Аз сёлешген, къайгъысыз турур.
- Байлыкъ тауусулур, билим тауусулмаз.
- Суу кетер, таш къалыр.
- Чомарт къолда мал къалмаз.
- Аурууну келиую тынч, кетиую – къыйын.
- Айраннга суу къош, телиге джол бош.
- Иги болса, тамадама – махтау, аман болса, меннге – айыб.
- Этек чакъмакълары баш джаргъан, сёлешген сёзлери таш джаргъан.
- Арба аугъандан сора, джол кёргюзтюучю кёб болур.
- Тойгъанлыкъ къойгъа джарашады.
- Ишин билген, аны сыйын чыгъарады.
- Сёлеш деб шай берген, тохта деб, сом берген.
- Аш хазыр болса, иш харам болур.
- Келлик заман – къартлыкъ келтирир, кетген заман – джашлыкъ ёлтюрюр.
- Къонакъ аман болса, къонакъбай джунчур
- Чарсда алчыны эл кёреди.
- Азыкълы ат арымаз, къатыны аман джарымаз.
- Урунуу – насыбны анасы.
- Ёмюрлюк шохлукъну джел элтмез.
- Ашхы тенг джолгъа салыр, аман тенг джолдан тайдырыр.