- От этилмеген джерден тютюн чыкъмайды.
- Ана къолу ачытмаз.
- Тойгъа алгъа да барма, тойда артха да къалма.
- Тюзню ётмеги тюзде къалса да, тас болмаз.
- Къыз келсе, джумуш эте келеди, къатын келсе, ушакъ эте келеди.
- Юй ишлеген балта эшикде къалыр.
- Насыблы элин сюер, насыбсыз кесин сюер.
- Этни да ашады, бетни да ашады.
- Чомартха Тейри да борчлуду.
- Дууулдаса – бал чибин, къонса – къара чибин.
- Къарнынг къанлынга кийирир.
- Ач къалгъандан, кеч къалгъан къолай.
- Тура эдим джата, къайдан чыкъды хата?
- Келлик заман – къартлыкъ келтирир, кетген заман – джашлыкъ ёлтюрюр.
- Ачыкъ джюрекге джол – ачыкъ.
- Бойнуму джети джерден кессенг да, мен ол ишни этеллик тюлме.
- Душманны тышы – акъ, ичи – къара.
- Босагъагъа джууукъ орун болса, ашыгъыб тёрге озма.
- Таукел адам тау тешер.
- Игиге айтсанг – билир, аманнга айтсанг – кюлюр.
- Элни кючю – эмеген.
- Терек ауса, отунчу – кёб.
- Аурууну келиую тынч, кетиую – къыйын.
- Ашхы сёз таш тешер.
- Эл элде бирер малынг болгъандан эсе, бирер тенгинг болсун.
- Алим болгъандан эсе, адам болгъан къыйынды.
- Тёрде – темир таякълы, къаяда – чыпчыкъ аякълы.
- Рысхы – насыбха къор.
- Акъыллы – эл иеси, тели – эл баласы.
- Ургъан суудан башынгы сакъла.
- От кюйдюрген, сау болса да, тот кюйдюрген, сау болмаз.
- Тилсиз миллет джокъ болур.
- Ётюрюкню башын керти кесер.
- Телини эшигин, махтау джабар.
- Таукел тауну аудурур.
- Къоркъакъны кёзю экили кёрюр.
- Джаралыны джастыгъында сау ёлюр.
- Тюзлюк тас болмайды.
- Ишге юренсин къоллары, халкъ бла болсун джоллары.
- Ойнаб айтсанг да, эслеб айт.
- Ёксюзню тилеги къабыл болур.
- Итли къонакъ джарашмаз.
- Аз сёлешген, къайгъысыз турур.
- Ётюрюкчюню шагъаты – къатында.
- Кийиминг бла танылма, адамлыкъ бла таныл.
- Сормай – алма, чакъырылмай – барма.
- Арбаз къынгырды да, ийнек сауалмайма.
- Кесинг сынамагъан затны, адамгъа буюрма.
- Артына баргъанны, къатына барма.
- Кёз – сюйген джерде, къол – ауругъан джерде.