Эльбрусоид :: Эльбрусоид

Борчунг бар эсе, хурджунунга ойлаб узал.
Тюз сёз баргъан сууну тыяр.
Тамырсыз терекге таянма – джыгъылырса.
Юре билмеген ит, къонакъ келтирир.
Ёксюзню къалачы уллу кёрюнюр.
Ашыкъгъан cуу, тенгизге джетмез.
Ачлыкъда тары гырджын халыуадан татлы.
Билим ат болуб да чабар, къуш болуб да учар.
Эрни эр этерик да, къара джер этерик да, тиширыуду.
Иги адам абынса да, джангылмаз.
Билмегенинги, билгеннге сор.
Къуллукъчума, деб махтанма, къуллукъ – хаух джамчыды!
Таукелге нюр джауар.
Аз сёлеш, кёб ишле.
Ханнга да келеди хариблик.
Къарны аманнга къазан такъдырма, къолу аманнга от джакъдырма.
Aдам боллукъ, сыфатындан белгили.
Окъугъан – асыу, окъумагъан – джарсыу.
Ариу сёз аурууунгу алыр.
Ишлегенде эринме, ишде чолакъ кёрюнме.
Халкъгъа джарагъан, джарлы къалмаз.
Терслик кетер, тюзлюк джетер.
Ашарыкъда сайлагъаннга – чий гырджын.
Ишлегенден, къарагъан уста.
Акъыл неден да кючлюдю.
Мухарны эси – ашарыкъда.
Джылар джаш, атасыны сакъалы бла ойнар.
Адамны адамлыгъы къыйынлыкъда айгъакъланады.
Хар зат кесини орнуна иги.
Къралынгы – душмандан, башынгы от бла суудан сакъла.
Сёз садакъдан кючлюдю.
Урунуу – насыбны анасы.
Кёрмегеннге кебек – танг, битмегеннге сакъал – танг.
Баш болса, бёрк табылыр.
Сабийликде юретмесенг, уллу болса – тюзелмез.
Эркишиге тары кебек танг кёрюнюр.
Тилчи тилден къаныкъмаз.
Къыйынлы джети элге оноу этер.
Адамны джюреги нени кёрюрге сюйсе, кёзю да аны кёрюрге ёч болады.
Ойнай-ойнай кёз чыгъар.
Чыбыкълыкъда бюгюлмеген, къазыкълыкъда бюгюлмей эди.
Джылыгъа джылан илешир.
Сормай – алма, чакъырылмай – барма.
Джырына кёре эжиую.
Артына баргъанны, къатына барма.
Тойну къарнашы – харс, джырны къарнашы – эжиу.
Джаш къарыу бла кючлю, къарт акъыл бла кючлю.
Адам къыйынлыгъын кёлтюрюр, зауукълугъун кёлтюрмез.
Чоюнну башы ачыкъ болса, итге уят керекди.
Айтхан сёзюне табылгъан.