- Къошда джокъгъа – юлюш джокъ.
- Къуру гыбыт бек дыгъырдар.
- Чабакъсыз кёлге къармакъ салгъанлыкъгъа, чабакъ тутмазса.
- Босагъа таш юйге кирмей эди, тыбыр таш эшикге чыкъмай эди.
- Аманнга игилик этсенг, юйюнге сау бармазса.
- Кёпюр салгъан кеси ётер, уру къазгъан кеси кетер.
- Къарт болгъан джерде, берекет болур, сабий болгъан джерде, оюн болур.
- Тёзген – тёш ашар!
- Иги сеники эсе да, сюйген кесимикин этеме.
- Юйлю уругъа ит чабмаз.
- Ойнаб айтсанг да, эслеб айт.
- Биреуню тёрюнден, кесинги эшик артынг игиди.
- Сибиртки да сыйлы болду, кюрек да кюнлю болду.
- Ач къарынны, токъ билмез
- Байлыкъ болгъан джерде, тынчлыкъ джокъду.
- Бал чибинни ургъаны – ачы, балы – татлы.
- Ач уят къоймаз.
- Бек анасы джыламаз.
- Ашха уста, юйюнде болсун
- Арпа, будай – ащды, алтын, кюмюш а – ташды.
- Джыланны къуйругъундан басарынг келсе, аны башы болгъанын унутма.
- Тойгъа алгъа да барма, тойда артха да къалма.
- Кийиминг бла танылма, адамлыкъ бла таныл.
- Чакъырылмагъан къонакъ къачан кетерин сормаз.
- Иги болса, тамадама – махтау, аман болса, меннге – айыб.
- Ашда – бёрю, ишде – ёлю.
- Кимни – тили, тиши онглу, кимни – къолу, иши онглу.
- Келинни – келгинчи, бёркню кийгинчи кёр.
- Хансыз джомакъ болмаз.
- Алтыда кюлмеген, алтмышда кюлмез.
- Керилген да, ургъан кибикди.
- Кёл – къызбай, къол – батыр.
- Айырылгъанланы айю ашар, бёлюннгенлени бёрю ашар.
- Битмегеннге сакъал – танг.
- Терслик кетер, тюзлюк джетер.
- Айраннга суу къош, телиге джол бош.
- Мени джылытмагъан кюн, меннге тиймесин!
- Намысы джокъну – дуниясы джокъ.
- Билим къая тешер.
- Сабийликде юретмесенг, уллу болса – тюзелмез.
- Эл элде бирер малынг болгъандан эсе, бирер тенгинг болсун.
- Джырчы джырчыгъа – къарнаш.
- Ойнай билмеген, оюн бузар.
- Таугъа чыгъаллыкъ эсенг, тюзде къалма.
- Кёзю сокъурдан – къоркъма, кёлю сокъурдан – къоркъ.
- Ишленмеген джаш – джюгенсиз ат, ишленмеген къыз – тузсуз хант.
- Тил – миллетни джаны.
- Кюн кёрмеген, кюн кёрсе, кюндюз чыракъ джандырыр.
- Гугурук къычырмаса да, тангны атары къалмаз.
- Ашлыкъны арба юйге келтирир, чана базаргъа элтир.