- Къаллай салам берсенг, аллай джууаб алырса.
- Ёлген аслан – сау чычхан.
- Дуния аламаты сен эсенг да, игиме деб айтма.
- Ач келгенни – тойдур, кеч келгенни – къондур.
- Къар – келтирди, суу – элтди.
- Джарлы джети элни сёзюн этер.
- Аман къатын сабий табса, бий болур…
- Иги сёз – джаннга азыкъ, аман сёз башха – къазыкъ.
- Кенгеш болса, уруш болмаз.
- Къонакъ аз олтурур, кёб сынар.
- Миллетни бойну – базыкъ, аны бла кюрешген – джазыкъ.
- Джылкъыдан – ат чыгъар, тукъумдан – джаш чыгъар.
- Ойнаб айтсанг да, эслеб айт.
- Биреуню къыйынлыгъы бла кесинге джол ишлеме.
- Къатын байлыкъны сюер, эр саулукъну сюер.
- Баланы адам этген анады.
- Кёз – сюйген джерде, къол – ауругъан джерде.
- Рысхысына кёре, джаш ёсер, къышлыгъына кёре, мал ёсер.
- Бёрю да ач къалмасын, эчки да ашалмасын.
- Юй ишлеген балта эшикде къалыр.
- Сютню башын джалагъан къутулур, тюбюн ичген тутулур.
- Мал кёб болса, джууукъ кёб болур.
- Тили узунну, намысы – къысха.
- Кийиминг бла танылма, адамлыкъ бла таныл.
- Сёз сёзню айтдырыр.
- Ишленмеклик адамлыкъды.
- Ашатыргъа иш – ашхы, ишлетирге аш – ашхы.
- Байны къызы баймакъ болса да, юйде къалмаз!
- Эринчекни аурууу – кёб.
- Шапа кёб болса, аш татымсыз болур.
- Термилгенинги табмазса, кюлгенинге тюберсе.
- Джашлыкъ этмеген, башлыкъ этмез.
- Ёлюк кебинсиз къалмаз.
- Байдан умут эте, джарлыдан ёгюз багъасы къорады.
- Ачыкъ джюрекге джол – ачыкъ.
- Ашхы тенг джолгъа салыр, аман тенг джолдан тайдырыр.
- Берекет берсин деген джерде, берекет болур.
- Башда акъыл болмаса, эки аякъгъа кюч джетер.
- Адам сёзге тынгыла, акъыл сёзню ангыла.
- Ауурну тюбю бла, дженгилни башы бла джюрюген.
- Элде адам къалмаса, ит тахтагъа минер.
- Кийимни бир кюнню аясанг, минг кюннге джарар.
- Кюл тюбюндеги от кёрюнмейди.
- Тюкюрюк баш джармаз, налат кёз чыгъармаз!
- Къалгъан ишге къар джауар.
- Узун джолну барсанг, бюгюн келирсе, къысха джолну барсанг, тамбла келирсе.
- Тамырсыз терекге таянма – джыгъылырса.
- Ашхы болсанг, атынг чыгъар, аман болсанг, джанынг чыгъар.
- Акъыллы эркиши атын махтар, акъылсыз эркиши къатынын махтар.
- Тилчиден кери бол.