- Кёзю сокъурдан – къоркъма, кёлю сокъурдан – къоркъ.
- Ачлыкъ отха секиртир.
- Шайтан алдады, тюзлюк къаргъады.
- Ишни аллы бла къууанма да, арты бла къууан.
- Тил бла келеди джыр да.
- Суугъа – таянма, джаугъа – ийнанма.
- Билим – акъылны чырагъы.
- Билген билмегенни юретген адетди.
- Джаз бир кюнню джатсанг, къыш талай кюнню абынырса.
- Акъыллы эркиши атын махтар, акъылсыз эркиши къатынын махтар.
- Чомарт къолда мал къалмаз.
- Ёгюзню мюйюзлери ауурлукъ этмейдиле.
- Чалманны аллы къалай башланса, арты да алай барады.
- Таш бла ургъанны, аш бла ур.
- Къыйынлы джети элге оноу этер.
- Джаш къарыу бла кючлю, къарт акъыл бла кючлю.
- Тин – байлыгъынг, терен саулугъунг.
- Телиге от эт десенг, юйюнге от салыр.
- Ётюрюкню башын керти кесер.
- Бюгюн дуния кибик, тамбла ахыратды.
- Суу кетер, таш къалыр.
- Алгъанда – джууукъ, бергенде – джау.
- Къуру гыбыт бек дыгъырдар.
- Насыб бютеу халкъны юлюшюдю.
- Телини эшигин, махтау джабар.
- Ашхы адам – халкъ байлыгъы, ашхы джер – джашау байлыгъы.
- Ашыкъгъанны этеги бутуна чырмалыр.
- Къызны минг тилер, бир алыр.
- Хата – гитчеден.
- Кютгени беш эчки, сызгъыргъаны уа, джерни джарады.
- Ач бёрюге мекям джокъ.
- Ашхылыкъ джерде джатмайды, аманлыкъ суугъа батмайды.
- Билеги кючлю, бирни джыгъар, билими кючлю, мингни джыгъар.
- Уясында не кёрсе, учханында аны этер.
- Ханнга да келеди хариблик.
- Къууут – джелге, берне – бошха.
- Махтаннган къыз, тойда джукълар.
- Ишлегенден, къарагъан уста.
- Акъыл къартда, джашда тюйюлдю – башдады.
- Эринчекни эр алмаз, эр алса да, кёл салмаз, кёл салса да, кёб бармаз!
- Ёгюзню мюйюзюнден тутадыла, адамны сёзюнден тутадыла.
- Къая джолда джортма, ачыкъ сёзден къоркъма.
- Мураты болгъанны джюрек тебюую башхады.
- Тюкюрюк баш джармаз, налат кёз чыгъармаз!
- Оюмсуз атлагъан, аджалсыз ёлюр.
- Элиб деген, элге болушур.
- Эки элинги тыйсанг, джети элде махталырса.
- Эки къатын алгъан – эки ташны ортасына башын салгъан.
- Кёл ашады да, кеси ашады.
- Айранын берсенг, челегин да къызгъанма.
AYBAZOV
|