- Атлыны ашхысы, ат тизгининден билинир
- Джырчы ёлсе, джыры къалыр.
- Джигер – джаннга къыйынлыкъ.
- Сыфатында болмагъаны, суратында болмаз.
- Аман адам этегингден тутса, кес да къач.
- Ишни ахырын ойламай, аллын башлама.
- Суу ичген шауданынга тюкюрме.
- Джарашыу сюйген – джалынчакъ.
- Сибиртки да сыйлы болду, кюрек да кюнлю болду.
- Ёлмесенг да, къарт дамы болмазса?
- Кёзню ачылгъаны – иги, ауузну джабылгъаны – иги.
- Аш берме да, къаш бер.
- Аман къатын алгъан, арыр, иги къатын алгъан джарыр.
- Кечеси – аяз, кюню – къыш, джарлы къаргъагъа бир аш тюш!
- Къанны къан бла джуума, аманны аман бла къуума.
- Тюзлюк шохлукъну бегитир.
- Уллу атлама – абынырса, уллу къабма – къарылырса.
- Ойнай-ойнай кёз чыгъар.
- Къатыны харакетли болса, эри къымсыз болур.
- Ариу сёз джыланны орнундан чыгъарыр.
- Мухарны эси – ашарыкъда.
- Байдан умут эте, джарлыдан ёгюз багъасы къорады.
- Акъыл къартда, джашда тюйюлдю – башдады.
- Аякъларынгы джууургъанынга кёре узат.
- Баргъанынга кёре болур келгенинг.
- Къозулугъунда тоймагъан, къойлугъунда тоймаз.
- Окъдан джара эртде-кеч болса да бителир, сёз джара, ёмюрге къалыр.
- Кёпюр салгъан кеси ётер, уру къазгъан кеси кетер.
- Къыз чыгъаргъан – къызыл къымжа.
- Уллу сёлешме да, уллу къаб.
- Байлыкъ адамны сокъур этер.
- Магъанасыз сёз – тауушсуз сыбызгъы.
- Къонакъ аман болса, къонакъбай джунчур
- Эринчекни эр алмаз, эр алса да, кёл салмаз, кёл салса да, кёб бармаз!
- Зар адам ашынгы ашар, кесинги сатар.
- Эки къатын алгъан – эки ташны ортасына башын салгъан.
- Джиби бир къат джетмей эди да, эки къат тарта эди.
- Джюрекден джюрекге джол барды.
- Ач къарынны, токъ билмез
- Юйлю уругъа ит чабмаз.
- Юй кюйдю да, кюйюз чыкъды, ортасындан тюйюш чыкъды.
- Адамны джюреги нени кёрюрге сюйсе, кёзю да аны кёрюрге ёч болады.
- Чалманны аллы къалай башланса, арты да алай барады.
- Мен да «сен», дейме, сен да «кесим», дейсе.
- Сакъалы текени да бар, мыйыгъы киштикни да бар.
- Башсыз урчукъ тюзюне айланмаз.
- Тёзген – тёш ашар!
- Тилчи тилден къаныкъмаз.
- Акъыллы башны – тили къысха.
- Эркишини аманы тиширыуну джылатыр.