Эльбрусоид :: Эльбрусоид

Ашатыргъа иш – ашхы, ишлетирге аш – ашхы.
Кёзю сокъурдан – къоркъма, кёлю сокъурдан – къоркъ.
Тау башында, тау болмаз, джангыз терек, бау болмаз.
Болджал ишни бёрю ашар.
Aдам боллукъ, сыфатындан белгили.
Къонагъынгы артмагъын алма да, алгъышын ал.
Ана къойну – балагъа джандет.
Намыс сатылыб алынмайды.
Тилде сюек болмаса да, сюек сындырыр.
Байлыкъ адамны сокъур этер.
Башынга джетмегенни сорма.
Артына баргъанны, къатына барма.
Тешик этген тынчды, аны джамагъан къыйынды.
Асхат ашлыкъ сата, юйдегиси ачдан къата.
Ашыкъгъанны этеги бутуна чырмалыр.
Иши джокъну, сыйы джокъ.
Иги джашны ышаны – аз сёлешиб, кёб тынгылар.
Къолунгдан къуймакъ ашатсанг да, атаны борчундан къутулмазса.
Башланнган иш битер, къымылдагъан тиш тюшер.
Келгинчи, къонакъ уялыр, келгенден сора, къонакъбай уялыр.
Сыфатында болмагъаны, суратында болмаз.
Аман адам элни бир-бирине джау этер.
Баш болса, бёрк табылыр.
Хар зат кесини орнуна иги.
Ата Джуртуму башы болмасам да, босагъасында ташы болайым.
Эл бла кёргенинг эрелей.
Миллетни бойну – базыкъ, аны бла кюрешген – джазыкъ.
Айран тёгюлсе, джугъусу къалыр.
Аманнга игилик этсенг, юйюнге сау бармазса.
Эринчекни эр алмаз, эр алса да, кёл салмаз, кёл салса да, кёб бармаз!
Нёгер болсанг, тенг бол, тенг болмасанг, кенг бол.
Кёз – сюйген джерде, къол – ауругъан джерде.
Аджал соруб келмез, келсе, къайтыб кетмез.
Тюз сёз баргъан сууну тыяр.
Тамбла алтындан бюгюн багъыр ашхы.
Экиндини кеч къылсанг, чабыб джетер ашхам.
Къартха ушагъан джаш – акъыллы, джашха ушагъан къарт – тели.
Айранын берсенг, челегин да къызгъанма.
Аурууну келиую тынч, кетиую – къыйын.
Джерни букъусу кёкге къонмаз.
Айтылгъан буйрукъ, сёгюлмез
Тойгъа барсанг, тоюб бар, эски тонунгу къоюб бар.
Юйюнг бла джау болгъандан эсе, элинг бла джау бол.
Ёлген ийнек сютлю болур.
Чалманны аллы къалай башланса, арты да алай барады.
Кёзюнде тереги болгъан, чёбю болгъаннга кюле эди.
Татлы тилде – сёз ариу, чемер къолда – иш ариу.
Гыдай эчки суугъа къараб, мюйюзле кёрмесе, джашма алкъын, дегенди.
Хазыр ашха – терен къашыкъ.
Ашыкъгъан cуу, тенгизге джетмез.