- Оюмсуз атлагъан, аджалсыз ёлюр.
- Баш болса, бёрк табылыр.
- Ётюрюкчюню шагъаты – къатында.
- Джол бла сёзню къыйыры джокъ.
- Къарнынг къанлынга кийирир.
- Джарлы джети элни сёзюн этер.
- Къайтырыкъ эшигинги, къаты уруб чыкъма.
- Джети тилни билген джети кишиди.
- Аманны къуугъан, аманлыкъ табар.
- Эшекге миннген – биринчи айыб, андан джыгъылгъан – экинчи айыб.
- Акъыллы – эл иеси, тели – эл баласы.
- Аз айтсам, кёб ангылагъыз.
- Бал – татлы, балдан да бала – татлы.
- Ариу сёз аурууунгу алыр.
- Ачыкъ джюрекге джол – ачыкъ.
- Таугъа чыгъаллыкъ эсенг, тюзде къалма.
- Адамны сабийин сюйген джюреги, бычакъча, джитиди.
- Биреуню эскиси биреуге джангы болмайды.
- Ач отунчуну ачыуу – бурнунда.
- Иши джокъну, сыйы джокъ.
- Ана – юйню кюн джарыгъы.
- Иги адам абынса да, джангылмаз.
- Шайтан алдады, тюзлюк къаргъады.
- Джылыгъа джылан илешир.
- Джарашыу сюйген – джалынчакъ.
- Сабыр джетер муратха, сабырсыз къалыр уятха.
- Аман адам элни бир-бирине джау этер.
- Ана кёлю – балада, бала кёлю – талада.
- Билими азны – ауузунда кирит.
- Ёлген ийнек сютлю болур.
- Зар адам ашынгы ашар, кесинги сатар.
- Джашынгы кесинг юретмесенг, джашау юретир.
- Ургъан суудан башынгы сакъла.
- Туз, гырджын аша, тюзлюк бла джаша.
- Аллахха ийнаннган кишини, Аллах онгдурур ишин.
- Тюзлюк шохлукъну бегитир.
- Атлыны ашхысы, ат тизгининден билинир
- Азыкъ аз болса, эртде орун сал.
- Кийим тукъум сордурур.
- Ёпкелегенни ашы татлы болады.
- Къуллукъчума, деб махтанма, къуллукъ – хаух джамчыды!
- Борчунг бар эсе, хурджунунга ойлаб узал.
- Ишин билген, аны сыйын чыгъарады.
- Къолунгдан къуймакъ ашатсанг да, атаны борчундан къутулмазса.
- Босагъа таш юйге кирмей эди, тыбыр таш эшикге чыкъмай эди.
- Къонагъынгы артмагъын алма да, алгъышын ал.
- Аджашханны ызындагъы кёреди, джангылгъанны джанындагъы биледи.
- Сабийни джумушха джибер да, ызындан бар.
- Эм ашхы къайын ана мамукъ бла башынгы тешер.
- Этни бети бла шорпасы.
|
Мусса
|
