Эльбрусоид :: Эльбрусоид

Ат да турмайды бир териде.
Адамны сыфатына къарама, сёзюне къара.
Ач, тоймам, дейди, тойгъан, ач болмам, дейди.
Къызгъанчдан ычхыныр, мухардан ычхынмаз.
Бастасын ашагъан, хантусун да ичер.
Кёб джат да, бек чаб.
Тил – миллетни джаны.
Эринчекни эр алмаз, эр алса да, кёл салмаз, кёл салса да, кёб бармаз!
Ёлюк кебинсиз къалмаз.
Джол бла сёзню къыйыры джокъ.
Садакъачыны джаны – къапчыгъында.
Эки итни арасына сюек атма, эки адамны арасында сёз чыгъарма.
Аууздан келген, къолдан келсе, ким да патчах болур эди.
Накъырда – кертини келечиси.
Ариу сёз – джаннга азыкъ, аман сёз – башха къазыкъ.
Суугъа – таянма, джаугъа – ийнанма.
Къыйынлы джети элге оноу этер.
Хантына кёре тузу, юйюне кёре къызы.
Аллахха ийнаннган кишини, Аллах онгдурур ишин.
Сескекли кесин билдирир.
Ариу – кёзге, акъыл – джюрекге.
Чыкълы кюнде чыкъмагъан, чыкъса къуру кирмеген.
Ойнай билмеген, оюн бузар.
Мал тутхан – май джалар.
Чакъырылгъанны аты, чакъырылмагъанны багъасы болур.
Джарлы джети элни сёзюн этер.
Тойгъан джерге джети къайт.
Ишин билген, аны сыйын чыгъарады.
Билими азны – ауузунда кирит.
Кёл ашады да, кеси ашады.
Билимли ёлмез, билимсиз кёрмез.
Джерни букъусу кёкге къонмаз.
Орундукъ тюбюнде атылсам да, орта джиликме, де да айлан.
Босагъагъа джууукъ орун болса, ашыгъыб тёрге озма.
Миллетни бойну – базыкъ, аны бла кюрешген – джазыкъ.
Аш хазыр болса, иш харам болур.
Агъач – джерни чырайы, кийим – эрни чырайы.
Джаш болсун, къыз болсун, акъылы, саны тюз болсун.
Зар адамны насыбы болмаз.
Къар – келтирди, суу – элтди.
Эл ауузу – элия.
Джашда акъыл джокъ, къартда къарыу джокъ.
Аман къатын сабий табса, бий болур…
Алтыннга тот къонмаз.
Джарлы эскисин джамаса, къууаныр.
Ётюрюк хапар аякъ тюбю бла джюрюйдю.
Шайтан алдады, тюзлюк къаргъады.
Тилчи тилден къаныкъмаз.
Бети – къучакълар, джюреги – бычакълар.
Аман эсирсе, юйюн ояр.