- Дууулдаса – бал чибин, къонса – къара чибин.
- Аманны тукъумуна къарама, игини тукъумун сорма.
- Къарнынг тойгъунчу аша да, белинг талгъынчы ишле.
- Хар зат кесини орнуна иги.
- Нёгер болсанг, тенг бол, тенг болмасанг, кенг бол.
- Этни да ашады, бетни да ашады.
- Магъанасыз сёз – тауушсуз сыбызгъы.
- Ашаса, ашамаса да, бёрюню ауузу – къан.
- Иги адам абынса да, джангылмаз.
- Келинин тута билмеген, къул этер, къызын тута билмеген, тул этер.
- Кирсизни – саны таза, халалны – къаны таза.
- Билим – акъылны чырагъы.
- Айтханы чапыракъдан ётмеген.
- Чакъырылмагъан джерге барма, чакъырылгъан джерден къалма.
- Къарнынг ауруса, ауузунгу тый
- Таукел адам тау тешер.
- Тойгъанлыкъ къойгъа джарашады.
- Чалманны аллы къалай башланса, арты да алай барады.
- Ашхы тенг джолгъа салыр, аман тенг джолдан тайдырыр.
- Тешик этген тынчды, аны джамагъан къыйынды.
- Айырылгъанланы айю ашар, бёлюннгенлени бёрю ашар.
- Башланнган иш битер, къымылдагъан тиш тюшер.
- Арбаз къынгырды да, ийнек сауалмайма.
- Байны къызы баймакъ болса да, юйде къалмаз!
- Байлыкъ адамны сокъур этер.
- Джашда акъыл джокъ, къартда къарыу джокъ.
- Къар – келтирди, суу – элтди.
- Тёрде – темир таякълы, къаяда – чыпчыкъ аякълы.
- Суугъа – чабакъ, къаягъа – ыргъакъ.
- Ишни аллы бла къууанма да, арты бла къууан.
- Эринчекни аурууу – кёб.
- Игиге айтсанг – билир, аманнга айтсанг – кюлюр.
- Кёл ашады да, кеси ашады.
- Къарнынг къанлынга кийирир.
- Байлыкъ келсе, акъыл кетер.
- Тас болгъан бычакъны сабы – алтын.
- Чабар ат – джетген къыз.
- Ашда уялгъан – мухар, ишде уялгъан – хомух.
- Тёрдеги кюлсе, эшикдеги ышарыр.
- Байма, деб да, къууанма, джарлыма, деб да, джылама.
- Эл ауузу – элек, анга ийнаннган – халек.
- Нарт сёз – тилни бети.
- Азыгъы аз, алгъа къабар, аты аман, алгъа чабар.
- Асхат ашлыкъ сата, юйдегиси ачдан къата.
- Ач келгенни – тойдур, кеч келгенни – къондур.
- Ач уят къоймаз.
- Босагъа таш юйге кирмей эди, тыбыр таш эшикге чыкъмай эди.
- Таякъ этден ётер, тил сюекден ётер.
- Бир онгсуз адам адет чыгъарды, деб эштирик тюлсе.
- Бермеген къол, алмайды.