Эльбрусоид :: Эльбрусоид

Джаз бир кюнню джатсанг, къыш талай кюнню абынырса.
Тойгъанлыкъ къойгъа джарашады.
Аманнга да, игиге да оноусуз къатышма.
Къонакъ кёб келюучю юйню, къазаны отдан тюшмез.
Башланнган иш битер, къымылдагъан тиш тюшер.
Аманны тукъумуна къарама, игини тукъумун сорма.
Экеулен сёлеше тура эселе, орталарына барыб кирме.
Тура эдим джата, къайдан чыкъды хата?
Ачыкъ джюрекге джол – ачыкъ.
Аш иеси бла татлыды.
Джарашыу сюйген – джалынчакъ.
Эр абынмай, эл танымаз.
Намыс болмагъан джерде, насыб болмаз.
Ашхы атаны – джашы ашхы, ашхы ананы – къызы ашхы.
Кесинг сынамагъан затны, адамгъа буюрма.
Иги – алгъыш этер, аман – къаргъыш этер.
Эл ауузу – элек, анга ийнаннган – халек.
Намыс сатылыб алынмайды.
Айранын берсенг, челегин да къызгъанма.
Илму – джашауну джолу.
Хансыз джомакъ болмаз.
Ачлыкъда тары гырджын халыуадан татлы.
Къарт бла баш аша, джаш бла аякъ аша.
«Ма», - дегенни билмесенг, «бер», - дегенни билмезсе.
Айыбны суу бла джууалмазса.
Чакъырылмагъан джерге барма, чакъырылгъан джерден къалма.
Келгинчи, къонакъ уялыр, келгенден сора, къонакъбай уялыр.
Кёб къычыргъандан – къоркъма, тынч олтургъандан – къоркъ.
Джан саулукъ бермей, сан саулукъ бермезсе.
Эллинг бла джау болсанг да, юйюнг бла джау болма.
Джетген къыз джерли эшекни танымаз.
Чалманны аллы къалай башланса, арты да алай барады.
Къарны аманнга къазан такъдырма, къолу аманнга от джакъдырма.
Битмегеннге сакъал – танг.
Эри аманны, къатыны – аман.
Ашда – бёрю, ишде – ёлю.
Акъылсызны джууукъгъа алма, акъыллыны кенгнге салма.
Джолда аягъынга сакъ бол, ушакъда тилинге сакъ бол.
Джети тилни билген джети кишиди.
Ашхы адам – халкъ байлыгъы, ашхы джер – джашау байлыгъы.
Адамны сыфатына къарама, сёзюне къара.
Урама да – ёледи, сатама да – келеди.
Къууут – джелге, берне – бошха.
Абынмазлыкъ аякъ джокъ, джангылмазлыкъ джаякъ джокъ.
Джерни букъусу кёкге къонмаз.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Сёз къанатсыз учар.
Ишин билген, аны сыйын чыгъарады.
Бал чибинни ургъаны – ачы, балы – татлы.
Аджалсыз ёлюм болмаз.