Эльбрусоид :: Эльбрусоид

Джюрекден джюрекге джол барды.
Къатыны харакетли болса, эри къымсыз болур.
Ашыкъгъан cуу, тенгизге джетмез.
Таукел къуру къалмаз.
Аджашханны ызындагъы кёреди, джангылгъанны джанындагъы биледи.
Ишни аллы бла къууанма да, арты бла къууан.
Ашын ашагъанынгы, башын да сыйла.
Ёксюзню тилеги къабыл болур.
Джылар джаш, атасыны сакъалы бла ойнар.
Билим – акъылны чырагъы.
Кийим тукъум сордурур.
Ёнгкюч къууана барыр, джылай келир.
Таш бла ургъанны, аш бла ур.
Эр абынмай, эл танымаз.
Аш хазыр болса, иш харам болур.
Кёзюнде тереги болгъан, чёбю болгъаннга кюле эди.
Джаз бир кюнню джатсанг, къыш талай кюнню абынырса.
Хар ишни да аллы къыйынды.
Окъугъан – асыу, окъумагъан – джарсыу.
Урунуу – насыбны анасы.
Сагъышы джокъ – джукъучу, акъылы джокъ – къаугъачы.
Джерни букъусу кёкге къонмаз.
Атлыны кёрсе, джаяуну буту талыр.
Чыбыкълыкъда бюгюлмеген, къазыкълыкъда бюгюлмей эди.
Къыйынлы джети элни къайгъысын этер.
Мадар болса, къадар болур.
Акъыл сабырлыкъ берир.
Таш ата билмеген, башына урур.
Гугук кесини атын айтыб къычыргъанча, мен, мен деб нек тураса?
Чомартны къолун джокълукъ байлар.
Эркишиге тары кебек танг кёрюнюр.
Эшекни не къадар тюйсенг да, ат болмаз.
Къайгъы тюбю – тенгиз.
Айраннга суу къош, телиге джол бош.
Ариу – кёзге, акъыл – джюрекге.
Джашынгы кесинг юретмесенг, джашау юретир.
Сёз садакъдан кючлюдю.
Ишленмеклик адамлыкъды.
Акъылсызны джууукъгъа алма, акъыллыны кенгнге салма.
Къызгъанчдан ычхыныр, мухардан ычхынмаз.
Джюрек кёзден алгъа кёрюр.
Юреннген ауруу къалмаз.
Байма, деб да, къууанма, джарлыма, деб да, джылама.
Тели турса – той бузар.
Окъуу – билимни ачхычы, окъуу – дунияны бачхычы.
Ашхы сёз таш тешер.
Ач къалгъандан, кеч къалгъан къолай.
Нафысынгы айтханын этме, намысынгы айтханын эт.
Аманнга алтын чыдамаз.
Тёрдеги кюлсе, эшикдеги ышарыр.