- Ашарыкъда сайлагъаннга – чий гырджын.
- Бети – къучакълар, джюреги – бычакълар.
- Тамчы таш тешер.
- Ана – юйню кюн джарыгъы.
- Джерни букъусу кёкге къонмаз.
- Джауумдан сора, кюн кюйдюрюр, ётюрюкден сора, айыб кюйдюрюр.
- Аман къатын сабий табса, бий болур…
- Бал – татлы, балдан да бала – татлы.
- Чомартны къолун джокълукъ байлар.
- Акъыл бла адеб эгизледиле.
- Мени джылытмагъан кюн, меннге тиймесин!
- Тил – кесген бычакъ, сёз – атылгъан окъ.
- Адам къыйынлыгъын кёлтюрюр, зауукълугъун кёлтюрмез.
- Джангызны оту джарыкъ джанмаз!
- Ариу сёзде ауруу джокъ.
- Къонакъ аман болса, къонакъбай джунчур
- Дженгил джетерикме деб, узун джолну къоюб, къысхасын барма.
- Аманнга игилик этсенг, юйюнге сау бармазса.
- Юйюнгден чыкъдынг – кюнюнгден чыкъдынг.
- Эки къатын алгъан – эки ташны ортасына башын салгъан.
- Азыкъ аз болса, эртде орун сал.
- Нарт сёз – тилни бети.
- Къызгъанчдан ычхыныр, мухардан ычхынмаз.
- Джети тилни билген джети кишиди.
- «Ма», - дегенни билмесенг, «бер», - дегенни билмезсе.
- Эшекге миннген – биринчи айыб, андан джыгъылгъан – экинчи айыб.
- Асхат ашлыкъ сата, юйдегиси ачдан къата.
- Сютню башын джалагъан къутулур, тюбюн ичген тутулур.
- Борчунг бар эсе, хурджунунга ойлаб узал.
- Арбаз сайлама да, хоншу сайла.
- Къарын къуру болса, джюрек уру болур.
- Къайтырыкъ эшигинги, къаты уруб чыкъма.
- Ёнгкюч къууана барыр, джылай келир.
- Биреуге аманлыкъ этиб, кесинге игилик табмазса.
- Ата – билек, ана – джюрек!
- Ишни аллы бла къууанма да, арты бла къууан.
- Бети къызарыучу адамны, джюреги харам болмаз.
- Эли джокъну – кёлю джокъ.
- Ауузу бла къуш тута айланады.
- Чакъырылмагъан джерге барма, чакъырылгъан джерден къалма.
- Эл элде бирер малынг болгъандан эсе, бирер тенгинг болсун.
- Эри аманны, къатыны – аман.
- Баргъанынга кёре болур келгенинг.
- Булут кёкге джарашыу, уят бетге джарашыу.
- Хунаны тюбюн къазсанг, юсюнге ауар.
- Къобан да къуру да къобханлай турмайды, адам да къуру да патчахлай турмайды.
- Суу кетер, таш къалыр.
- Туз, гырджын аша, тюзлюк бла джаша.
- Аллахха ийнаннган кишини, Аллах онгдурур ишин.
- Тау башында, тау болмаз, джангыз терек, бау болмаз.